ჩასახვის საწინააღმდეგო აბები მამაკაცებისათვის - ტესტირება გრძელდება
პრეპარატის ექსპერიმენტული ტესტირება ჩატარდა ახალ ორლეანში.
პრეპარატი შექმნილია ორი ჰორმონის (ანდროგენისა და პროგესტერონის) შერწყმის საფუძველზე, მას ერქმევა 11-ბეტა-მეთილ-19-ნორტესტოსტერონ დოდეცილ კარბონატი ან 11-ბეტა-MNTDC.
ექსპერიმენტში მონაწილეობა მიიღო 28 ჯანმრთელმა მამაკაცმა, რომელიც ახალ აბებს ერთი თვის განმავლობაში იღებდა. ცდის შემდეგ სპეციალისტებმა გამოიკვლიეს მოხალისეთა ორგანიზმი და აჩვენეს სპერმის გამომუშავების პროცესში აქტიურად ჩართული ტესტოსტერონისა და სხვა ჰორმონების დონის მნიშვნელოვნად დაქვეითება.
მონაწილეთა ჯანმრთელობის მდგომარეობა არსებითად არ შეცვლილა, მხოლოდ რამდენიმეს აღენიშნა თავის ტკივილი და ზოგადი სისუსტე. ახალი საშუალება გავლენას არ ახდენს მამაკაცის სქესობრივ აქტივობაზე, მისი გამოყენების შემდეგ 1-3 თვეში ორგანიზმში სრულად ნორმალიზდება ტესტოსტერონის დონე.
ამ ეტაპზე განსაზღვრულია ახალი პრეპარატის ხანგრძლივი და უფრო მასშტაბური კვლევა სქესობრივად აქტიური წყვილების მონაწილეობით. ამ კვლევის შედეგებზე დაყრდნობით მამაკაცებისათვის განკუთვნილ ახალ კონტრაცეპტივს წარმოებაში გაუშვებენ.