უნიკალური ოპერაცია: მოწყვეტილი სასქესო ასოს მიკერება 24 საათის შემდეგ შეძლეს
თითქმის ერთი დღის შემდეგ. ეს ყველაზე დიდი ოფიციალურად დოკუმენტირებული დროის შუალედია, როდესაც სასქესო ასო დარჩა სისხლის მიმოქცევის გარეშე.
ოპერაციიდან მეექვსე დღეს ექიმებმა დაადასტურეს, რომ ურეთრა ნორმალურად მუშაობდა და მგრძნობელობაც აღდგა. წარმატებულ ოპერაციას მედიკოსები იმ ფაქტს უკავშირებენ, რომ მათ შეძლეს სისხლძარღვების მაქსიმალურად ზუსტად აღდგენა. ამან ორგანოში აღადგინა ერექციის მიღწევის შესაძლებლობა. ზოგადად, მსგავსი ოპერაცია იშვიათობას წარმოადგენს. მედიცინაში დაახლოებით 100-მდე მსგავსი შემთხვევაა ცნობილი.
ამპუტაციის დროს, ყველაზე მნიშვნელოვანია ორგანოს მთლიანობის აღდგენა მოხდეს მაქსიმალურად სწრაფად. ამისათვის საჭიროა ქირურგების, მათ შორის ანგიოლოგების, მთელი ბრიგადის მუშაობა. 24 საათის შემდეგ წარმატებული ოპერაციის ჩატარების ალბათობა მნიშვნელოვნად მცირდება.
პაციენტი იყო 34 წლის პარანოიდალური შიზოფრენიით შეპყრობილი მამაკაცი, რომელიც თვითმკვლელობას ცდილობდა ფსიქოპათიური ეპიზოდისას. პაციენტი შემთხვევიდან 15 საათის შემდეგ აღმოაჩინეს, დაუყოვნებლივ გადაიყვანეს საავადმყოფოში და გაუკეთეს ოპერაცია.