იაპონური კონტაქტური ლინზები თვალის ზედაპირს გამოშრობისგან დაიცავს
ჩვეულებრივი ლინზების ხანგრძლივად ტარებისას თვალის ზედაპირი შრება, მცირდება თვალის ხამხამის სიხშირე (ხელს უწყობს თვალის ზედაპირზე საცრემლე გარსის შრის განახლებას) და იზრდება ცრემლის აორთქლებაც. შედეგად შეიძლება დაზიანდეს რქოვანა, განვითარდეს ანთება და დისკომფორტი.
ახალი ლინზები ამ პრობლემას გადაჭრის, რადგან მათ გააჩნიათ თვითდატენიანების ფუნქცია.
ტოხოკუს უნივერსიტეტის მეცნიერთა ჯგუფმა წარმოადგინა ლინზების პროტოტიპი, რომელიც უზრუნველყოფს თვალსა და ლინზას შორის სითხის ფენის შენარჩუნებას. კონტაქტისას მოქმედება ხდება ჰიდროგელზე, რომლისგანაცაა დამზადებული ლინზა და ქვედა ქუთუთოსთან განთავსებული ბუნებრივი საცრემლე რეზერვუარიდან ხდება სითხის გადმოდინება.
ჯერჯერობით მეცნიერები ლინზის გააქტიურებას ახდენენ ჩაშენებული მაგნიტო-ჟანგბადისა და ფერმენტული ფრუქტოზო-ჟანგბადის „ბიოელემენტის“ გამოყენებით. მიუხედავად ამისა, ისინი სწავლობენ ლინზის უკაბელო კვების შესაძლებლობასაც. მეცნიერები იმედოვნებენ, რომ უფრო მაგარ ლინზას შექმნიან და შეამცირებენ სისტემის მუშაობისთვის საჭირო დაძაბულობას. მეცნიერების აზრით, პერსპექტივაში აღწერილი მეთოდის გამოყენება შესაძლებელი იქნება წამლის მისაწოდებლადაც.