პირველად ისტორიაში ამერიკელმა ექიმებმა პაციენტების ანაბიოზში შეყვანა დაიწყეს - მკურნალი.გე

რუბრიკები

ოჯახის მკურნალის ანონსი

ივლისი 2020

პირველად ისტორიაში ამერიკელმა ექიმებმა პაციენტების ანაბიოზში შეყვანა დაიწყეს

პირველად ისტორიაში ამერიკელმა ექიმებმა პაციენტების ანაბიოზში შეყვანა დაიწყეს
არახელსაყრელ სასიცოცხლო პირობებში მოხვედრისას ბევრ ცოცხალ არსებას შეუძლია სიკვდილთან მიახლოებულ მდგომარეობაში გადასვლა. ამ დროს სუნთქვა, გულისცემა და სხვა სასიცოცხლო პროცესები იმდენად შენელებულია, რომ მათი აღმოჩენა (დადგენა) მხოლოდ სპეციალური აპარატურითაა შესაძლებელი. ამ მდგომარეობას ანაბიოზი ეწოდება.

ამერიკელმა ექიმებმა დაიწყეს ადამიანების ანაბიოზში ხელოვნურად შეყვანა მათივე სიცოცხლის გადასარჩენად.


როგორ გადაჰყავთ ადამიანი ანაბიოზში?


დიდი ხანი არ არის, რაც ამერიკაში გამოსცადეს ახალი („ინოვაციური“) ტექნოლოგია, რომელიც სწრაფად აციებს (ყინავს) სერიოზული ტრავმების მქონე პაციენტებს, ოპერაციის ჩატარებამდე დროის მოსაგებად.

მერილენდის უნივერსიტეტის ექიმებმა ბალტიმორში პირველად გადაიყვანეს ადამიანები ანაბიოზის მდგომარეობაში. ამის შესახებ
ინფორმაცია სამეცნიერო წრეებს ნიუ-იორკის მეცნიერებათა აკადემიის სიმპოზიუმზე მიეწოდათ.

საკუთრივ პროცესი მოიცავს 10 გრადუს ცელსიუსზე დაბალ ტემპერატურამდე ტვინის სწრაფად გაციებას, პაციენტის სისხლის გაყინული ფიზიოლოგიური ხსნარით შეცვლის გზით. ჩვეულებრივ, ხსნარის შეყვანა უშუალოდ აორტაში, მაგისტრალურ სისხლძარღვში ხდება.

„ექსტრემალური კონსერვაცია და რეანიმაცია“ – ამ ოფიციალური სახელწოდებით ცნობილი პროცედურა აპრობირებული
იქნება იმ პაციენტებზე, რომლებმაც მიიღეს კატასტროფული ტრავმები, ემუქრებათ მომაკვდინებელი სისხლდენა ან კიდევ განუვითარდათ გულის ძლიერი შეტევა და უახლოეს პერიოდში ვერ გადაიყვანენ სამედიცინო დაწესებულებაში. ჩვეულებრივ, პაციენტებს, გავრცობილი ინფარქტით ან კიდევ მრავლობითი ჭრილობებით (დაცხრილულებს ან დანით დაჭრილებს), გადარჩენის 5%-ზე დაბალი შანსი აქვთ. ასეთი კატეგორიის გაციება (გაყინვა) გამიზნულია მათი თავის ტვინის აქტივობის დასაქვეითებლად და ფიზიოლოგიურ პროცესთა შესანელებლად. ეს საკმარისია იმისათვის, რომ ქირურგებს მიეცეთ ძვირფასი ათიოდე წუთი ოპერაციის ჩასატარებლად.

ამერიკელთა კვლევის ერთ-ერთი მიზანი თავის ტვინის დაზიანების შემცირებაცაა. შინაგანი ორგანოების დაზიანებითა და სისხლდენით მიმდინარე სერიოზული ტრავმების დროს ხომ პაციენტთა დაღუპვის მიზეზი სწორედ თავის ტვინის მძიმე დაზიანებაა.

აღნიშნული პროცედურის ერთ-ერთი გართულება ის არის, რომ პაციენტის უჯრედები შესაძლოა დაზიანდეს ოპერაციის შემდეგ ორგანიზმის გათბობისა და ანაბიოზიდან გამოყვანის კვალად.

უახლესი ექსპერიმენტების ფარგლებში – 20 ქალისა და მამაკაცის მონაცემები განიხილება: მათ ნაწილს ანაბიოზის მდგომარეობაში გადაიყვანენ, ნაწილს კი გაყინვის გარეშე გადაუდებელ სამედიცინო დახმარებას აღმოუჩენენ, მონაცემთა შეჯამება 2020 წლისთვის იგეგმება.

აღსანიშნავია, რომ ახალი ტექნოლოგია მნიშვნელოვნად განსხვავდება ჩვეულებრივი ნარკოზისა და ხელოვნური კომისაგან. ეს ორი უკანასკნელი მანიპულაცია მედიკამენტების დახმარებით ტარდება, მართალია, არსებობს (ცნობილია) გაციების მეთოდითაც ხელოვნური კომის გამოწვევა, მაგრამ ამ დროს ორგანიზმის ზოგადი გაციება პრაქტიკულად გარედან ხდება და არა უშუალოდ გაყინული პლაზმის შეყვანით, რაც პრაქტიკულად ამერიკელი ექიმების სიახლეა.
გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
ნოტინჰემისა და უორიკის უნივერსიტეტების მკვლევართა ჯგუფმა შეაფასა შუა საუკუნეების დროინდელი
გასულ საუკუნეში ქართველი მამაკაცი, რომელსაც სიმელოტე ტანჯავდა, ალბათ, ვერც კი წარმოიდგენდა,
კალიფორნიის უნივერსიტეტში შექმნეს მოწყობილობა, რომელიც მშობიარობის
„მე თმა ჰეალაინში გადავინერგე!“ - სავარაუდოდ, ამ სიტყვებს ამიერიდან უფრო მეტი ადამიანი იტყვის, მას შემდეგ, რაც თმის აღდგენითი მედიცინის სამკურნალო სამეცნიერო ცენტრს,
მსოფლიოში პირველად შესაძლებელი გახდა დაბლოკილი ან შევიწროვებული არტერიებისთვის
მუცლის შებერილობა, დიარეა, მეტეორიზმი, ყურყური - რატომ შეიძლება გამოიწვიოს ეს და საჭმლის მომნელებელი სისტემის დარღვევასთან დაკავშირეული სხვა ნიშნები
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად