თბილისში მოქმედი უფასო სასადილოების ბენეფიციარებს, ორშაბათიდან, მოხალისეთა ჯგუფები მოემსახურებიან - მსურველებს შეუძლიათ ჩაერთონ ჯგუფებში - მკურნალი.გე

რუბრიკები

ოჯახის მკურნალის ანონსი

მარტი 2020

კითხვა-პასუხი

თბილისში მოქმედი უფასო სასადილოების ბენეფიციარებს, ორშაბათიდან, მოხალისეთა ჯგუფები მოემსახურებიან - მსურველებს შეუძლიათ ჩაერთონ ჯგუფებში

თბილისში მოქმედი უფასო სასადილოების ბენეფიციარებს, ორშაბათიდან, მოხალისეთა ჯგუფები მოემსახურებიან - მსურველებს შეუძლიათ ჩაერთონ ჯგუფებში
უწყებათაშორისი საკოორდინაციო საბჭოს რეკომენდაციით, თბილისის მერიამ მიიღო გადაწყვეტილება, რომ დედაქალაქში მოქმედ 62 უფასო სასადილოში დამატებითი საპროფილაქტიკო ღონისძიებები გატარდეს. დამატებით სერვისებს მერიის მიერ დატრენინგებული ახალგაზრდა მოხალისეთა ჯგუფები ორშაბათიდან განახორციელებენ. პროცესში მოხალისეებად ჩართვის სურვილი "ქართული ოცნების" ახალგაზრდული ფრთის წარმომადგენლებმა გამოთქვეს.

ახალგაზრდა მოხალისეებს დღეს, თბილისის მერის მოადგილე ილია ელოშვილი რაიონების გამგებლებთან ერთად შეხვდა და მათ ახალ მომსახურებასთან დაკავშირებით სპეციალისტების რეკომენდაციები გააცნო.

ილია ელოშვილის განცხადებით, მოხალისეები ბენეფიციარებს უსაფრთხოების ყველა წესის დაცვით და შესაბამისი ეკიპირებით ორშაბათიდან მოემსახურებიან.

"ეს ზომები მიმართულია იმისკენ, რომ ადგილზე მოხდეს საკვების უსაფრთხოდ
გადაცემა ბენეფიციარებისთვის, რომ ბენეფიციარების ის სეგმენტი, რომელიც არის განსაკუთრებით მოწყვლადი რისკ-ფაქტორების ქვეშ ან არიან ქრონიკული დაავადებების მატარებლები, ასევე, იზოლაციაში მყოფი ადამიანები და მარტოხელა მოხუცები, არ დარჩნენ საკვების გარეშე. მერიამ გამოაცხადა მობილიზაცია და მოუწოდა მოხალისეებს, შემოგვიერთდნენ და ერთად განვახორციელოთ ეს მიზნები. ამ მოწოდებას გამოეხმაურა "ქართული ოცნების"
ახალგაზრდული ფრთა. აქვე, ხაზი მინდა გავუსვა, რომ ეს არ არის პარტიული ღონისძიება. ჩვენ მივესალმებით ყველა მოხალისეს, რომელიც თავისი სურვილით დააფიქსირებს ამ პროცესში ჩართვის შესაძლებლობას ჩვენს ცხელ ხაზზე.

ჩვენ მოხალისეებთან ერთად მოვახდენთ იმ სეგმენტის იდენტიფიცირებას, რომელიც საკვების ადგილზე მიტანას საჭიროებს. ასევე, მოხდება ადგილზე რიგების მართვა იმგვარად, რომ მომსახურება იყოს სრულიად უსაფრთხო. "ქართული ოცნების" ახალგაზრდული ფრთის მონაწილეობა მნიშვნელოვანია, მათ უკვე გააჩნიათ სტრუქტურები რაიონების მიხედვით, რაც გაცილებით გაგვიმარტივებს ურთიერთობას გამგეობებთან, რომლებმაც უნდა წარმართონ ეს პროცესები", - განაცხადა ილია ელოშვილმა.

უფასო სასადილოებში, კორონავირუსის რისკებისგან დასაცავად, მომსახურების წესის ცვლილებასთან დაკავშირებით, დედაქალაქის მერმა კახა კალაძემ დღეს გამართულ ბრიფინგზე განაცხადა. ახალი წესის თანახმად, განსაკუთრებული რისკის მქონე ქრონიკული დაავადების მქონე ბენეფიციარებითვის, ასევე, მარტოხელა მოხუცებულებისა და თვითიზოლაციაში მყოფი ბენეფიციარებისთვის, იმუშავებს დამატებითი, საკვების სახლში მიტანის სერვისი. ამ კატეგორიას მიკუთვნებულ ადამიანებს, შეეძლებათ დარეკონ მერიის ცხელ ხაზზე (032 2 722222), განაცხადონ, რომ სურთ აღნიშნული მომსახურება, რის შემდეგაც "ქ. თბილისის გადამდებ დაავადებათა ეპიდზედამხედველობისა და კონტროლის მუნიციპალური ცენტრის" მიერ დატრენინგებული მერიის თანამშრომელები და მოხალისეთა ჯგუფები უზრუნველყოფენ კუთვნილი საკვების მიტანას საცხოვრებელ მისამართზე, ასეთ სიტუაციებში მოქმედი წესების, ჰიგიენისა და უსაფრთხოების ნორმების სრული დაცვით;

ყოველი უფასო სასადილოს შესასვლელთან მობილიზებული იქნება სპეციალურად დატრენინგებული მოხალისეთა და მერიის თანამშრომელთა ჯგუფი, რომლებიც უზრუნველყოფს: რიგების რეგულირებას საერთაშორისო ჯანდაცვის ორგანიზაციის რეკომენდაციის მიხედვით; გააკონტროლებს შესასვლელში დეზინფექციის პროცედურას; მიაწვდის ბენეფიციარებს მათთვის საჭირო დამატებით ინფორმაციას.

ყველა დაინტერესებულ პირს, ვისაც სურვილი აქვს მოხალისედ დარეგისტრირდეს, შეუძლია დარეკოს მერიის ცხელ ხაზზე: 032 2 722222. საჭიროების შემთხვევაში, მათ დაუკავშირდებიან და ისინი გაივლიან შესაბამის ტრენინგს.


ასევე წაიკითხეთ:
კორონავირუსული ინფექციის სიმპტომები

არის თუ არა მომაკვდინებელი კორონავირუსი?


როგორ დავიცვა თავი კორონავირუსისგან


ხელის ანტისეპტიკიკური ხსნარის დასამზადებელი რეცეპტი - ჯანდაცვის მსოფლიო ორგანიზაციის რეკომენდაცია


რამდენი ხანი სჭირდება კორონავირუსით დაავადებულის გამოჯანმრთელებას?


რა მოხდა იტალიაში - რატომ არის სიკვდილიანობის ასეთი მაღალი მაჩვენებელი?


კორონავირუსის მკურნალობის საკითხებზე - რა გამოცდილება დაუგროვდათ მედიკოსებს, რომელ პრეპარატებს უწევენ რეკომენდაციას?

გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
დღეს ექიმთა საერთაშორისო დღეა! დიდი ხანია, ჩვენს საზოგადოებაში არ ყოფილა მედიკოსებისადმი მადლიერების
ამერიკის შეერთებული შტატები საქართველოს ჯანდაცვის სფეროს დასახმარებლად
მეგობრებო, შექმნილი მდგომარეობის გამო, მოგეხსენებათ, რომ დაიხურა არაერთი დაწესებულება, საგანმანათლებლო ობიექტები,
SARS-CoV-2 ვირუსის სახით კაცობრიობას ახალი და დაუნდობელი „დამპყრობელი“ მოევლინა.
ქვეყანაში ყოველდღიურად მკაცრდება შეზღუდვები და შესაბამისად, ადამიანები ცდილობენ საკვები თუ სხვადასხვა
მსოფლიოს მასშტაბით ყოველ ერთ წუთში ვაქცინაცია 5 სიცოცხლეს
ადამიანის ხერხემალს ყოველდღიურად დიდი დატვირთვა ადგება, შესაბამისად,
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად