მწვანე ჩაი ჯანმრთელი გულისა და სისხლძარღვების სასმელად აღიარეს
მეცნიერების აზრით, განსაკუთრებული დადებითი ეფექტი აღინიშნება მწვანე ჩაის რეგულარული და ხანგრძლივი მიღებისას.
გაკეთდა 100 000 ადამიანის მდგომარეობის ანალიზი. ისინი ორ ჯგუფად დაყვე ს- ერთი ჯგუფის მონაწილეები კვირაში მინიმუმ 3ჯერ, რეგულარულად სვამდნენ მწვანე ჩაის, მეორე ჯგუფი იშვიათად ან საერთოდ არ იღებდა აღნიშნულ სასმელს. მრავალწლიანი დაკვირვების შედეგად აღმოჩნდა, რომ პირველი ჯგუფის მონაწილეებს, მეორე ჯგუფთან შედარებით, უფრო იშვიათად და გვიან უფიქსირდებოდათ გულის დაავადებები და ინსულტი. მათი სიცოცხლის ხანგრძლივობაც მეტი იყო.
ექსპერტების განცხადებით, მწვანე ჩაი შეიცავს უამრავ პოლიფენოლს. ეს უკანასკნელი აკონტროლებს წნევას და გულ-სისხლძარღვთა დაავადებების სხვა რისკ-ფაქტორებს.
თავის მხრივ, შავი ჩაი მსგავსი სასარგებლო თვისებებით ვერ დაიკვეხნის, იმდენად რამდენადაც ის ფერმენტირდება. ამ პროცესის დროს პოლიფენოლები პიგმენტებად იჟანგება, რაც ანტიოქსიდანტური თვისებების დაკარგვას იწვევს. სხვათაშორის ჩაი უფრო ეფექტურია მამაკაცებისთვის.