საშიში ტროპიკული ვირუსი ტვინის კიბოს წინააღმდეგ
ბავშვები, რომელთა დედებიც დასნებოვნებულნი იყვნენ ვირუსით, ანომალურად მცირე ზომის თავებით გამოირჩევიან.
სწორედ ეს თვისებები გამოიყენეს კალიფორნიის უნივერსიტეტის მეცნიერებმა კიბოს საწინააღმდეგო თერაპიის ჩარჩოებში. ისინი დაინტერესდნენ ე.წ. ინტეგრინებით, რეცეპტორებით, უჯრედშორისი გადაცემის სხვადასხვა ნიშნებით, რომლებიც დაკავშირებულია ადამიანის უჯრედებში ზიკას ვირუსის შეღწევასთან. უჯრედთა ზედაპირზე განთავსებული ინტეგრინების მოლეკულები, მონაწილეობენ სიმსივნეების განვითარებაში. ამ რეცეპტორებიდან უჯრედში შესაძლოა შეაღწიოს ზოგიერთმა ვირუსმაც.
განსაკუთრებულ ყურადღებას იპყრობს ინტეგრინი avβ5. აღმოჩნდა, რომ სწორედ მისი დახმარებით აინფიცირებს ზიკას ვირუსი ადამიანის ორგანიზმს. შესაბამისად, ამ ინტეგრინის მაკონტროლებელ გენებზე ზემოქმედებით შესაძლებელია ვირუსის დაბლოკვა.
ექსპერიმენტის ფარგლებში მეცნიერებმა დაბლოკეს avβ5 ინტეგრინის მოქმედება ვირთაგვების გლიობლასტომით დაავადებულ ტვინში და ადამიანის სიმსივნით დაზიანებული ტვინის ნიმუშებში. ეს, ორივე შემთხვევაში ეფექტური აღმოჩნდა.
სპეციალისტთა აზრით, საჭირო იყო ვირუსის შეცვლა და მიმართვა თავის ტვინის სიმსივნურ უჯრედებზე. ეს ექსპერიმენტიც წარმატებით დასრულდა - ზიკას მოდიფიცირებულმა ვირუსმა წარმატებით გაანადგურა ვირთაგვების თავის ტვინის სიმსივნური უჯრედები.
ამ შედეგებს დიდი გეგმები და მოლოდინები უკავშირდება!