ექსპერიმენტული ვაქცინა ქლამიდიოზის გავრცელებას შეაჩერებს
CTH522 ვაქცინა შეამოწმეს მოხალისეებზე და აღიარეს არა მარტო უსაფრთხოდ, არამედ იმუნური პასუხის სტიმულაციის უნარის მქონედ.
კვლევაში ჩართეს 35 ჯანმრთელი ქალი. ზოგიერთს შეუყვანეს ვაქცინა, ზოგიერთს პლაცებო. ინიექციის სახით ვაქცინის შეყვანის შემდეგ უარყოფითი გვერდითი მოვლენები არ დაფიქსირებულა. ინტრანაზალური შეყვანისას ასევე არ გამოვლენილა სერიოზული არასასურველი შედეგები. ვაქცინა ხელს უწყობდა ძლიერი იმუნური პასუხის ინიცირებას და ანტისხეულების წარმოქმნას, რომელიც ქლამიდიოზის გამომწვევის წინააღმდეგ მუშაობდა.
ვაქცინის ავტორების თქმით, თუ შემდგომი კვლევები წარმატებით ჩაივლის, ადამიანები მიიღებენ ქლამიდიოზის პროფილქტიკის ახალ საშუალებას. ოფიციალური სტატისტიკის თანახმად, ახალგაზრდა, სექსუალურად აქტიური ადამიანების 5%-დან 15%-მდე დასნებოვნებულია ქლამიდიით. ხშირად დაავადება უსიმპტომოდ მიმდინარეობს. ინფექციის შედეგებია: ართრიტი, კანის საფარველის დაზიანება, პროსტატიტი, მცირე მენჯის ღრუს ორგანოების ანთებითი დაავადებები, საშვილოსნოს მილებში შეხორცებების განვითარება, ორსულობის გართულება და სხვა მრავალი.