საფრანგეთში აცრების ყველაზე მძაფრი მოწინააღმდეგეები ცხოვრობენ
თითქმის 20% თვლის, რომ ვაქცინაცია არაეფექტურია. სპეციალისტების აზრით, ეს ასახავს ადგილობრივი მოსახლეობის უნდობლობას მეცნიერებისადმი, ისევე როგორც ხელისუფლებისა და ფარმაცევტული ინდუსტრიის მიმართ. შედეგად მრავალი ადამიანი უარს ამბობს აცრებზე. ამასთან, ზოგიერთი დაავადების გასანადგურებლად საჭიროა მოსახლეობის მასობრივი ვაქცინაცია.
გერმანელები, თავის მხრივ, მკაცრად მიუდგნენ ვაქცინაციის პრობლემის გადაჭრას. გერმანიის ჯანდაცვის მინისტრმა წარმოადგინა კანონპროექტი წითელას საწინააღმდეგო ვაქცინაციაზე უარისთვის დაჯარიმების თაობაზე. მან შესთავაზა, რომ საბავშვო ბაღებიდან გარიცხონ კიდეც აუცრელი ბავშვები. თუ მშობლები უარს იტყვიან ბავშვის აცრაზე, ისინი 2500 ევროთი დაჯარიმდებიან. აღნიშნული ღონისძიებებით ჩინოვნიკი ცდილობს სრულად განდევნოს წითელა ქვეყნიდან.
ვაქცინაციის საწინააღმდეგო ინფორმაციის გავრცელების წინააღმდეგ ბრძოლა დაიწყეს მსხვილმა სოციალურმა ქსელებმა. მაგალითად, სოციალურმა ქსელმა „ინსტაგრამმა“ განაცხადა, რომ დაბლოკავდა ვაქცინაციის საწინააღმდეგო მოძრაობის შესახებ „ჰასჰტაგ“-ს.