სპეციალისტები ქალთა კონტრაცეპციის სფეროს გადატრიალებას გვპირდებიან - ორალური კონტრაცეპტივი, რომელიც თვეში მხოლოდ ერთხელ მიიღება
ეს ნამდვილი გარღვევა იქნება, რომელიც შეამსუბუქებს შობადობის კონტროლს, რამეთუ ყოველდღიურად ტაბლეტების დალევა საჭირო აღარ იქნება.
ეს არის ჟელატინით დაფარული კაფსულა, რომელიც სამი კვირის დოზას შეიცავს. კუჭში მოხვედრისას, კაფსულა გამოათავისუფლებს მოწოდების სისტემას, რომელიც ნელა გამოყოფს შიგთავსს - ლევონორგესტრელს.
ცხოველებზე ჩატარებულმა ცდებმა აჩვენა, რომ სამკურნალო საშუალების გამოყოფის ეს სახე, სისხლში მისი იმ კონცენტრაციით დაგროვების საშუალებას იძლევა, რაც ყოველდღიური მიღებისას აღინიშნება. ცხოველებში კონცენტრაცია ნარჩუნდება 4 კვირა, ადამიანებში, მეცნიერების ვარაუდით, კაფსულა სრულად 3 კვირაში დეგრადირდება.