მეცნიერებმა დაადგინეს, როგორ უნდა გაიხანგრძლივოთ სიცოცხლე
აღმოჩნდა, რომ საიდუმლო ხელოვნებისადმი სიყვარულშია.
ადამიანებში, რომლებიც წელიწადში 1-2-ჯერ დადიოდნენ მუზეუმებში, კონცერტებსა და თეატრებში (კინო არ განიხილება) 14%-ით ნაკლები იყო სიკვდილიანობა დაკვირვების პერიოდში, უფრო ხშირი სიარული კი სიკვდილის რისკს 31%-ით ამცირებდა.
კვლევის ფარგლებში მეცნიერები აკვირდებოდნენ 50 წელზე მეტი ასაკის 6710 ადამიანს 14 წლის განმავლობაში. სურათების გალერეებსა და თეატრებში რეგულარული სიარული ამცირებდა ქრონიკული სტრესისა და დეპრესიის მაჩვენებლებს, იძლეოდა ემოციურ, კოგნიტიურ და სოციალურ რესურსებს.
მშვენიერებით დაინტერესებულ ადამიანებს ნაკლებად აღენიშნებოდათ ცხოვრების მიზანთან დაკავშირებული პრობლემები. ისინი უკეთ უმკლავდებოდნენ ემოციის რეგულაციას, გააჩნდათ მეტი შემოქმედებითი პოტენციალი. ეს ყველაფერი მათ ცხოვრებისეულ ცვალებად გარემოებებთან ეფექტური ადაპტაციის საშუალებას აძლევდა.
ლალი ჩხიკვაძე