როგორია გრიპის ეპიდსიტუაცია საქართველოში? - რომელი ვირუსებია ამჟამად გავრცელებული?
საქართველოში მოცირკულირე ვირუსების შესახებ:
საქართველოს სხვადასხვა კლინიკებიდან მოწოდებიული მონაცემების მიხედვით, ამჟამად გავრცელებული ვირუსებიდან ყველაზე ხშირად გვხვდება ლაბორატორიულად დადასტურებული B გრიპის ვირუსი, ასევე გავრცელებულია ადენოვირუსი, რინოვირუსი და AH1 და AH3 გრიპის ვირუსები.
სწორედ ამ ბოლო დიაგრამაზე ჩანს, რომ B გრიპის ვირუსი (ყვითლად მონიშნული) ბოლო 3 კვირის განმავლობაში ყველაზე ხშირად იქნა დიაგნოსრირებული ლაბორატორიულად. შემდეგ ყველაზე ხშირად აღინიშნა რინოვირუსი და ადენოვირუსი. გვინდა შეგახსენოთ, რომ გრიპისა და გრიპისმაგვარი რესპირატორული დაავადებების დროს უნდა დაიცვათ შემდეგი წესები:
- თუ ბავშვს ტემპერატურა 38,5-ს ზემოთ აეწევა და ეს მდგომარეობა თუნდაც ერთი დღით გაგრძელდება, აუცილებლად უნდა მიმართოთ ექიმს. იგივე ეხებათ ორსულებსაც.
- აუცილებლად უნდა მიმართოთ ექიმს, თუ 38,5 და მეტი ტემპერატურა სამი დღის განმავლობაში გრძელდება.
- დაუყოვნებლივ მიმართეთ ექიმს, თუ ნახველში სისხლის ნაწილაკები გაჩნდება, თუნდაც მცირე რაოდენობით.
- დაუყოვნებლივ უნდა მიმართოთ ექიმს, თუ ნახველში ჩირქს შენიშნავთ.
- სხვა შემთხვევებში პაციენტები უნდა იმყოფებოდნენ სახლში, მშვიდ გარემოში, ფიზიკური დატვირთვის გარეშე.
- მიიღეთ ბევრი სითხე და ჯანსაღი საკვები
- საჭიროების შემთხვევაში მკურნალობაში ანტივირუსული პრეპარატების ჩართვის გადაწყვეტილება ექიმმა უნდა მიიღოს
- ექიმის დანიშნულების გარეშე, არავითარ შემთხვევაში არ მიიღოთ ანტიბიოტიკები, ისინი ვირუსის მკურნალობისას არაეფექტურია. ანტიბიოტიკი მხოლოდ ბაქტერიული გართულების შემთხვევაში ინიშნება.
- მნიშვნელოვანია ჰიგიენური წესების დაცვა: დაცემინებისა და ხველების დროს, ხელის ნაცვლად ავიფაროთ ხელსახოცი.
- ხშირად დავიბანოთ ხელები.