უნიკალური სენსორი გულის ოპერაციის წარმატებას გაზრდის
ის მოწოდებულია სისხლძარღვებში სისხლის მიმოქცევაზე კონტროლისთვის ხანგრძლივი ინვაზიური პროცედურების დროს. სისხლის მიმოქცევის უწყვეტი მონიტორინგის სენსორი ფლინდერსის უნივერსიტეტის ქმნილებაა.
მოწყობილობა დროის რეალურ რეჟიმში, შეფერხების გარეშე, სისხლის მიმოქცევის შეფასების საშუალებას იძლევა, რაც პაციენტის სიცოცხლისთვის უმნიშვნელოვანესია.
კარდიოლოგების თქმით, სენსორი მაშინვე აჩვენებს არტერიული წნევის მკვეთრად დაცემასა და ჟანგბადის დონის დაქვეითებას. ეს განსაკუთრებით აქტუალურია მცირეწლოვანი ბავშვების შემთხვევაში. მათ ხშირად აღენიშნება მაჩვენებლების უეცარი ცვლილება.
ავტორების თქმით, სენსორი უფრო მგრძნობიარეა მონიტორინგის ტრადიციულ მეთოდებზე (ულტრაბგერა). ის იდგმება მცირე განაკვეთის საშუალებით ბარძაყის არტერიაში, სადაც მას შეუძლია სისხლის მიმოქცევის კონტროლი არა მარტო ყველაზე მსხვილ, არამედ მცირე კალიბრის სისხლძარღვებშიც კი.