მეცნიერებმა წარმოადგინეს ტესტი, რომელიც ადამიანის სუნთქვის საშუალებით რეკორდულ ვადებში სვამს დიაგნოზს
ხელოვნური ინტელექტი ასევე გამოიყენება სხვადასხვა დაავადების დროს გამოყოფილი განსაკუთრებული ნივთიერებების (ბიომარკერების) გამოსავლენად. ამ ნივთიერებების დაფიქსირება მათი დიდი კონცენტრაციის არსებობის ან დაავადების აქტიურად განვითარების პირობებში იყო შესაძლებელი.
სისტემა შეამოწმეს ფილტვის კიბოზე. მაგრამ, მეცნიერების თქმით, მას სხვა ტიპის სიმსივნის, ტუბერკულოზის, დემენციის დიაგნოსტირებაც შეუძლია. უახლოეს დროში შეიძლება ჩატარდეს სისტემის კლინიკური კვლევა. თუ ყველაფერი წარმატებულად ჩატარდა, სისტემა ბაზარზე უახლოეს ორ წელიწადში გამოჩნდება.
ავტორები ირწმუნებიან, რომ სისტემა ძაღლის ყნოსვაზე უფრო მგრძნობიარეა, რომელსაც, როგორც ცნობილია, სუნით დაავადებული ადამიანის მარტივად გამოვლენა შეუძლია. სისტემას ასევე გამოარჩევს გაძლიერებული, მუდმივად განვითარებადი ხელოვნური ინტელექტი. სრულიად შესაძლებელია, რომ უახლოეს მომავალში სუნთქვით ექიმებმა 400 დაავადების გამოვლენა შეძლონ.