სტანდარტული გლუკომეტრები შეიძლება დავიწყებას მიეცეს
ეს ეხება განსაკუთრებით ტიპი-1 დიაბეტით დაავადებულებს. ტრადიციულად დიაბეტიანები ამისთვის გლუკომეტრს იყენებენ.
მეცნიერებმა შემოგვთავაზეს უმტკივნეულო და უფრო ოპერატიული სისტემა. საუბარია წყალგაუმტარ სენსორზე (პლასტირი), რომელიც მაგრდება ხელზე. დღე-ღამის განმავლობაში ის უწყვეტად აფიქსირებს შაქრის დონეს. პლასტირს ცვლიან ორ კვირაში ერთხელ, ბოლო 8 საათის მაჩვენებლები კი ტელეფონზე გადაეცემა.
მსგავსი პლასტირის შემუშავებით ბოლო ორი წელია აქტიურად არიან დაკავებულები. ექსპერტების აზრით, მალე ისინი განდევნიან გლუკომეტრებს. მოცემული მომენტისათვის შაქრის დონის მომენტალური შეფასების სისტემები სუბსიდიით ვრცელდება 30 ქვეყანაში, მათ შორის ესპანეთში, ირლანდიასა და საბერძნეთში.
ასეთი სისტემების საშუალებით ადამიანმა შეიძლება ივარჯიშოს და უფრო ხშირად გააკონტროლოს შაქრის დონე ყოველგვარი უხერხულობის გარეშე (საშუალოდ მომენტალური შეფასების სისტემის მომხმარებლები შაქრის დონეს დღეში 12-ჯერ ამოწმებენ). ამასთან, ამ მონაცემების მკურნალ ექიმთან გაზიარებაა შესაძლებელი.