იმუნიტეტს წითელი მოცხარი და ნიორი აძლიერებს
გამოზამთრებული ორგანიზმის იმუნიტეტი რომ დასუსტებულია, ეს ყველამ ვიცით. მრავალფეროვნების მიუხედავად, თანამედროვე ფარმაცია ჯერ კიდევ ვერ აკმაყოფილებს ადამიანთა მოთხოვნას იმუნიტეტის გამაძლიერებელ მედიკამენტებზე. სწორედ ამიტომ, ბევრი კვლავ ძველ, ტრადიციულ მედიცინას მიმართავს, მინდა, ასეთი საშუალების შესახებ გამცნოთ. ეს საკმაოდ მარტივი ხალხური წამალია, რომლის დახმარებითაც დიდი ხნის მანძილზე შესამჩნევად გაიძლიერებთ დასუსტებულ იმუნიტეტს:
- ხორცსაკეპ მანქანაში გაატარეთ 0,5 კგ წითელი მოცხარი, 300 გრამი ნიორი და 2 ლიმონი ქერქიანად. ყველაფერი მოათავსეთ მინის ქილაში, დაამატეთ 400 გრამი თაფლი, მოურიეთ კარგად და შედგით მაცივარში. წამალი მზად არის და მისი მიღება უკვე შეგიძლიათ რამდენიმე საათში, 2 ჩაის კოვზის ოდენობით, დილით, უზმოზე და საღამოს, ვახშამიდან 2 საათის შემდეგ. მკურნალობის კურსი ერთი თვეა.
წარმატებასა და ჯანმრთელობას გისურვებთ!
შოთა ხალვაში, გორი