ასისთავა წონის მომატებაში დაგეხმარებათ
ჭარბი წონის ეპოქაში იშვიათად, მაგრამ მაინც შევხვდებით ისეთ ადამიანებს, რომელთა სანუკვარი ოცნება წონის მომატებაა. გთავაზობთ საშუალებას, რომელიც მადის გაძლიერებით სასურველ კილოგრამებს შეგმატებთ. ამისთვის საჭიროა, შეიძინოთ მცენარე ასისთავა, მისი ნახარშით კი სპირტზე დაამზადოთ ნაყენი:
- ასისთავას ბალახის ნაყენი: 1 სადილის კოვზ ბალახს დაასხით 1 ჩაის ჭიქა მდუღარე წყალი, თბილად შეფუთეთ და დააყენეთ ნახევარი საათი, შემდეგ გაწურეთ. უნდა დაილიოს 1 სადილის კოვზით 3-ჯერ დღეში, ჭამამდე ნახევარი საათით ადრე.
- ასისთავას ბალახის ნახარში ასე მზადდება: 2 სადილის კოვზ ბალახს დაასხით 1 ჩაის ჭიქა მდუღარე, ადუღეთ დაბალ ცეცხლზე წყლის აბაზანაზე 15 წუთის განმავლობაში, გაწურეთ, შეავსეთ მდუღარე წყლით საწყის მოცულობამდე. მიიღეთ 1/3 ჩაის ჭიქა 2-3-ჯერ დღეში, ჭამამდე ნახევარი საათით ადრე.
- ასისთავას ბალახის სპირტზე ნაყენი ასე მზადდება:აიღეთ 20 გრამი დაქუცმაცებული ბალახი, დაასხით 40%-იანი სპირტი, დააყენეთ 7-14 დღე, ყოველდღე რამდენჯერმე შეანჯღრიეთ, გაწურეთ. მიიღეთ 15-20 წვეთი ჭამამდე 20-30 წუთით ადრე.