ასეთი გმირ ექიმებზე დგას ქართული მედიცინა! - "თეთრი ხალათების" აქციას არაერთი კლინიკა უერთდება - მკურნალი.გე

რუბრიკები

ოჯახის მკურნალის ანონსი

დეკემბერი 2019

ასეთი გმირ ექიმებზე დგას ქართული მედიცინა! - "თეთრი ხალათების" აქციას არაერთი კლინიკა უერთდება

ასეთი გმირ ექიმებზე დგას ქართული მედიცინა! - "თეთრი ხალათების" აქციას არაერთი კლინიკა უერთდება
ექიმი-ორთოპედი ვაჟა გაფრინდაშვილი რუსმა ოკუპანტებმა 2019 წლის 9 ნოემბერს გაიტაცეს. იგი ახალგორში ავადმყოფისთვის დახმარების გასაწევად მიდიოდა. ქართველი ექიმის დაკავების შესახებ ოსურმა მედიამ დაწერა და შემდეგ ქართულმა მხარემაც დაადასტურა ინფორმაცია. ცხინვალის სასამართლომ ვაჟა გაფრინდაშვილს ორთვიანი წინასწარი პატიმრობა მიუსაჯა.

რუსი ოკუპანტების მიერ დაკავებული ქართველი ექიმი-ტრავმატოლოგი ვაჟა გაფრინდაშვილი არ აღიარებს "სახელმწიფო საზღვრის გადაკვეთის" შესახებ საოკუპაციო რეჟიმის მიერ წაყენებულ ბრალდებას და ცხინვალის სასამართლოში განაცხადა, რომ საქართველოში იმყოფება.
გათავისუფლებულებმა განაცხადეს, რომ ერთადერთი რამ, რასაც ოკუპირებული რეჟიმი ვაჟა გაფრინდაშვილისგან მოითხოვს, არის ის, რომ აღიაროს "საზღვრის გადაკვეთა".
-
"ბატონი ვაჟა კატეგორიულ უარს აცხადებს და ამბობს, რომ იმყოფება საქართველოში, ქართულ მიწაზე. ვერ გაჭრა თურმე ვერც ქართველ თანასაკნელთა ხვეწნამ და შეგონებამ. მან უ
არი განაცხადა რუსულად საუბარზე და თარჯიმანი მოითხოვა"- ჰყვება ღვინიაშვილი.

"სახელმწიფო საზღვარი ვიცი მე ფსოუზე და როკის გვირაბთან. ჩემს ქვეყანაში სახელმწიფო ენა ქართულია, რუსულად არ დაგელაპარაკებით... " - განაცხადა ვაჟა გაფრინდაშვილმა.

სწორედ მსგავსი გმირი მოქალაქეებზე დგას ქვეყნის ღირსება! ასეთი გმირ ექიმებზე დგას ქართული მედიცინა!

ცხინვალის საოკუპაციო რეჟიმის მიერ დაკავებულ ვაჟა გაფრინდაშვილის მხარდასაჭერად "თეთრი ხალათების" აქცია თბილისსა და საქართველოს თითქმის ყველა ქალაქში გაიმართა.

სამედიცინო სფეროს წარმომადგენლები შეიკრიბნენ კლინიკების ეზოებში და ვაჟა გაფრინდაშვილს სოლიდარობა გამოუცხადეს.

ექიმები აცხადებენ, რომ ვაჟა გაფრინდაშვილი ოკუპანტების მიერ უკანონოდ არის დაკავებული და ის დაუყოვნებლივ უნდა გათავისუფლდეს.

ჩაფიძის გულის ცენტრი:
ვუცხადებთ თანადგომას საოკუპაციო რეჟიმის მიერ უკანონოდ თავისუფლება აღკვეთილ ვაჟა გაფრინდაშვილს.
ექიმის დაკავება მაშინ, როდესაც ის პაციენტის დასახმარებლად მიემართება, არის ყოველგვარი ადამიანური ღირებულებების უარყოფა.
ვიმედოვნებთ, რომ ცნობილი ქართველი ორთოპედ-ტრამვატოლოგი მალე დაუბრუნდება ოჯახს და გააგრძელებს პროფესიულ საქმიანობას.

გაგუას კლინიკა:
გაგუას კლინიკის გუნდი სრული შემადგენლობით, შეშფოთებას გამოვთქვამთ ცხინვალის საოკუპაციო რეჟიმის მიერ ქართველი ექიმის ვაჟა გაფრინდაშვილის დაკავების გამო და ვიმედოვნებთ დროულად მოხდება უკანონო ტყვეობაში მყოფი ჩვენი თანამოქალაქის გათავისუფლება.

კლინიკა ენმედიცი:
კლინიკა "ენმედიცი" მხარდაჭერას უცხადებს საოკუპაციო ძალების მიერ უკანონოდ გატაცებულ ცნობილ ექიმს, ვაჟა გაფრინდაშვილს.
ექიმი ვაჟა გაფრინდაშვილი საოკუპაციო ძალებმა იმის გამო დასაჯეს რომ ის თავის პროფესიულ ვალდებულებას ასრულებდა თავისივე ქვეყანაში.
ვიმედოვნებთ, რომ საერთაშორისო საზოგადოებისა და დიპლომატიული არხების ზეწოლით, საოკუპაციო ძალების მიერ უკანონოდ გატაცებულ ექიმს მალე გაათავისუფლებენ.


"ავერსი":
"თეთრი ხალათების" აქციას შეუერთდნენ კომპანია "ავერსის" კლინიკებიც.

"თეთრი ხალათების" აქციას, რომელიც თბილისის ცენტრალური საავადმყოფოს ტრავმატოლოგ-ორთოპედის ვაჟა გაფრინდაშვილის მხარდასაჭერად მთელი საქართველოს მასშტაბით გაიმართა, ავერსელი ექიმებიც შეუერთდნენ. ერთად დგომით აქციის მონაწილეებმა საოკუპაციო ხაზთან ვაჟა გაფრინდაშვილის უკანონოდ დაკავება გააპროტესტეს.

აქციაში მონაწილეობა მიიღეს "ავერსის კლინიკის", აკადემიკოს ვახტანგ ბოჭორიშვილის კლინიკის, კ. ერისთავის სახელობის ქირურგიის ეროვნული ცენტრის, "ახალი სიცოცხლისა" და ჰოსპიტალური ქსელის "მედალფას" ექიმებმა.

ვაჟა გაფრინდაშვილი ახალგორის რაიონში მძიმე მდგომარეობაში მყოფი პაციენტის სანახავად მიდიოდა, როდესაც ოკუპანტებმა დააკავეს. ამჟამად ის ცხინვალის იზოლატორში იმყოფება და კატეგორიულ უარს აცხადებს, საზღვრის გადაკვეთა აღიაროს. მისი თქმით, საქართველოში, ქართულ მიწაზე იმყოფება.


დავით ტატიშვილის სამედიცინო ცენტრი
დავით ტატიშვილის სამედიცინო ცენტრი უერთდება ბატონ ვაჟა გაფრინდაშვილის მხარდასაჭერ აქციას

mkurnali.ge


მარდალეიშვილის სამედიცინო ცენტრი

"მარდალეიშვილის სამედიცინო ცენტრი" უერთდება "თეთრი ხალათების" კამპანიას, შეშფოთებას გამოთქვამს ოკუპანტების მიერ ქართველი ექიმის, ტრავმატოლოგ ვაჟა გაფრინდაშვილის უკანონოდ დაკავების გამო და თანადგომას უცხადებს ბატონ ვაჟასა და მის ოჯახს. იმედს ვიტოვებთ, რომ დროულად მოხდება ბატონი ვაჟას გათავისუფლება უკანონო პატიმრობიდან❗

mkurnali.ge


გალაქტიონ მახვილაძის კლინიკა GMC
ჩვენი კლინიკა უერთდება ექიმების საერთო სოლიდარობის - "თეთრი ხალათების" აქციას.
თავისუფლება ექიმ ვაჟა გაფრინდაშვილს!
Freedom For Doctor Vaja!

mkurnali.ge


პი ეს დენტალი
" პი ეს დენტალი"-ს გუნდი უერთდება "თეთრი ხალათების"
აქციას და სოლიდარობას უცხადებს უკანონოდ დაკავებული ექიმი ვაჟა გაფრინდაშვილის გათავისუფლების მოთხოვნას .

mkurnali.ge

"მკურნალის" რედაქცია უერთდება ქართველი ექიმების მოთხოვნებს: ვაჟა გაფრინდაშვილი დაუყოვნებლივ უნდა განთავისუფლდეს უკანონო პატიმრობიდან!


გააკეთეთ კომენტარი
კომენტარი არ გაკეთებულა
დიეტოლოგია
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
ჟურნალში Neurology გამოქვეყნდა ახალი კვლევის შედეგები, რომელთა თანახმადაც,_ ტრანსცხიმების ხშირად გამოყენება (მაგალითად კარტოფილი-ფრის)
კატეგორიის სხვა სტატიები
ოკუპირებული ახალგორის ე.წ. რაიონულმა სასამართლომ ორთვიან წინასწარ პატიმრობაში დატოვა ექიმი ვაჟა გაფრინდაშვილი.
9 დეკემბერიდან, გაზეთ "კვირის პალიტრასთან" ერთად, "ჰარვარდის სამედიცინო გზამკვლევის" მეორე ტომი
მაკს პლანკის საზოგადოების დემოგრაფიული ინსტიტუტის კვლევებით დამტკიცდა, რომ დაბალი შემოსავალი სიკვდილის რისკს ზრდის.
ხველის მკურნალობა არა მარტო მედიკამენტებით, არამედ ალტერნატიული საშუალებებითაცაა შესაძლებელი,
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
ტვინის სისხლძარღვების გაწმენდა უმნიშვნელოვანესი პროცედურაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად