"გვინდა გამოვხატოთ ჩვენი უზარმაზარი გულისტკივილი" - ქუთაისელი ექიმების ვიდეო მიმართვა
სოციალურ ქსელში გავრცელებულ ვიდეოში ქუთაისელი ექიმები ოკუპანტების მიერ ცნობილი ქართველი ექიმის, ვაჟა გაფრინდაშვილის დაკავების გამო პროტესტს გამოხატავენ.
სახელმწიფო უსაფრთხოების სამსახური საოკუპაციო რეჟიმის მიერ საქართველოს მოქალაქის, ვაჟა გაფრინდაშვილის უკანონო გატაცების ფაქტს ადასტურებს.
როგორც "ინტერპრესნიუსს" სუს-ში განუცხადეს, მომხდარის შესახებ ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია.
ვაჟა გაფრინდაშვილი ცნობილი ექიმია. არსებული ინფორმაციით, საოკუპაციო ძალების წარმომადგენლებმა ის რამდენიმე დღის წინ გაიტაცეს. მას ე.წ. საზღვრის უკანონო კვეთას ედავებიან.