მეცნიერებმა თვალის ტრავმის შემახორცებელი „ჭკვიანი გელი“ წარმოადგინეს
რომელსაც შეუძლია თვალის ზედაპირზე ჭრილობის ან უსწორმასწორობის შეხორცება ისე, რომ დონორის ქსოვილთა გადანერგვა გამოირიცხოს. გელი შეიცავს სინათლით გააქტიურებულ ნაერთს. ის არა მარტო ფარავს დეფექტს, არამედ ეხმარება თვალის რეგენერაციას.
გელი ხელს უწყობს რქოვანას უჯრედების ადჰეზიურ ნივთიერებებთან დაკავშირებას, შეზრდასა და იმგვარი შრის ჩამოყალიბებას, რომელიც მაქსიმალურად მიახლოებულია რქოვანას ბუნებრივ ქსოვილთან (გელი მაგრდება ლურჯი სინათლით დასხივებისას და იღებს თვალის ფორმას).
ცხოველებზე ჩატარებული ტესტის ფარგლებში 20%-იანი კონცენტრაციის გელი წაუსვეს რქოვანას 3 მმ ზომის დეფექტზე. გელს ასხივებდნენ 4 წუთის განმავლობაში. მეორე დღისთვის ანთების კვალი გამქრალი იყო, დეფექტის ადგილი სრულად გადაიფარა რქოვანას ფორმის შესაბამისად გამყარებული გელით. დროთა განმავლობაში თვალის ქსოვილები რეგენირებდნენ. მეცნიერების თქმით, ტექნოლოგიის კლინიკური გამოცდა უახლოეს მომავალში უნდა დაიწყოს.