დიდ ბრიტანეთში დღის საათებში მავნე საკვების რეკლამას კრძალავენ
დღისით ფასტ ფუდის რეკლამის ჩვენებას დიდი ბრიტანეთის ჯანდაცვის სამინისტრო კრძალავს. ახალი წესები ტელევიზიასა და სოციალურ ქსელებს შეეხება. მავნე საკვების მწარმოებლები საკუთარი პროდუქციის რეკლამირებას 21 საათის შემდეგ შეძლებენ. ასეთი რეაგირება იქონია ბრიტანეთის ხელისუფლებამ რადიოს, ტელევიზიისა და კავშირგაბმულობის საწარმოების საქმეების სამმართველოს (Oფცომ) ანგარიშზე. აღნიშნულ მოხსენებაში საუბარი იყო, რომ ბავშვები და 16 წლამდე ასაკის მოზარდები დროის 64%-ს ტელევიზორთან ატარებენ და ზრდასრული აუდიტორიისთვის განკუთვნილ გადაცემებს უყურებენ. ჯანდაცვის სამინისტრო აფრთხილებს ქვეყანას სიმსუქნის შესაძლო ეპიდემიასა და ჭარბი წონის ბავშვების რიცხვის ზრდაზე. მომავალში ისინი დიაბეტისა და ასთმის განვითარების რისკქვეშ არიან. დღეისათვის გაერთიანებულ სამეფოში მოქმედებს კანონი, რომელიც კრძალავს მარილის, შაქრისა და ცხიმების მაღალი შემცველობის პროდუქტების რეკლამირებას ბავშვებისა და მოზარდებისთვის განკუთვნილ გადაცემებეში.