კომპიუტერით შექმნილი პირველი ვაქცინა გამოცდისთვის მზადაა
კვლევებს გაივლის. ვაქცინა ხელოვნურმა ინტელექტმა შექმნა. პროგრამა ცნობილია, როგორც ლიგანდების ძებნის ალგორითმი. ლიგანდები ნაერთებია (ზოგჯერ მცირე მოლეკულა), რომელიც ბიოლოგიურ მოლეკულასთან (დნმ, ცილა, უჯრედის რეცეპტორი) ქმნის კომპლექსებს, რაც შედეგად იძლევა გარკვეულ ეფექტებს.
ვაქცინა ადამიანის სამკურნალო პირველი საშუალებაა, რომელიც სრულად ხელოვნური ინტელექტითაა შემუშავებული. მეცნიერების აზრით, ეს მედიცინასა და ფარმაკოლოგიაში ახალი ერაა. ახალი ვაქცინა იყენებს ადიუვანტებს - ნივთიერებებს, რომელიც აძლიერებს სხეულის იმუნურ პასუხს გრიპის ვირუსზე. ვაქცინას დაახლოებით ერთი წლის განმავლობაში 240 მოხალისეზე გამოცდიან.
მკვლევრებმა ასევე წარადგინეს განსაკუთრებული ვაქცინების კვლევის შედეგები. ისინი ერთდროულად იცავენ გრიპისგან (ეს ვირუსია ვაქცინის საფუძველი) და რესპირატორულ-სინციტიური ვირუსისაგან (იწვევს ბრონქიოლიტსა და პნევმონიას). მღრღნელებზე ჩატარებული ექსპერიმენტებით დამტკიცდა ვაქცინების არა მარტო ეფქტურობა, არამედ უსაფრთხოებაც.
ლალი ჩხიკვაძე