ჯანდაცვის მინისტრის მოადგილე: აქციის დაშლისას კლინიკებში სულ 240 ადამიანი გადაიყვანეს, ერთის მდგომარეობა მძიმეა, ორს თვალის ამოღება დასჭირდა
კლინიკაში 240-მდე ადამიანი გადაიყვანეს, მათგან 80 სამართალდამცავია. ამ დრომდე კლინიკაში 102 პაციენტი რჩება. ერთის მდგომარეობა მძიმეა, ორს კი თვალის ამოღება დასჭირდა – ამის შესახებ ჯანდაცვის მინისტრის პირველმა მოადგილემ, ზაზა ბოხუამ ინგოროყვას კლინიკაში განაცხადა, სადაც აქციებზე დაშავებული პაციენტები მოინახულა.
სამართალდამცავებმა მოქალაქეების წინააღმდეგ რეზინის ტყვიები, ცრემლსადენი გაზი და წყლის ჭავლი გამოიყენეს.