News
რობოტები აქტიურად იჭრებიან ადამიანთა ცხოვრებაში. უკვე დიდი ხანია რობოტიზებული სისტემები ქირურგებს რთული ოპერაციების ჩატარებაში ეხმარება. მომავლის პროგნოზი ამგვარია: რობოტებს გამოიყენებენ საკეისრო კვეთის (რაც სრულიად რეალურია უახლოესი 5 წლის განმავლობაში) და კანის კიბოს მოშორების დროს. ამასთან, სისტემები იმდენად დაიხვეწება, რომ ქირურგის დასწრება აუცილებელი არ იქნება. ოპერაციის ჩატარებას დამწყები ექიმებიც კი შეძლებენ.
რობოტების გარდა, ადამიანის დნმ-ს მონაცემების გამოყენება გახდება ქირურგიისა და მთლიანად მედიცინის განვითარების საკვანძო ფაქტორი უახლოესი 20 წლის მანძილზე. უახლესი ტექნოლოგიების წყალობით, მნიშვნელოვნად ამაღლდა პროცედურების უსაფრთხოების ხარისხი და დიაგნოსტიკის სიზუსტე, იმავდროულად შემცირდა ოპერაციების ტრავმატიზაცია. რობოტები იდეალური იქნება გინეკოლოგიური ოპერაციებისთვის, ნაწლავზე, გულსა და ფილტვებზე ქირურგიული ჩარევების დროს.
თუმცა ზოგიერთი ექსპერტი ბოლომდე არაა დარწმუნებული რობოტების უსაფრთხოებაში. 2015 წელს რობოტის მუშაობის შედეგად ადამიანი გარდაიცვალა, სტანდარტულად ჩატარებული ოპერაციისას პაციენტი გადარჩებოდა.