ახალი ტრენდი - ვიტამინიზებული ვეიპები - ექიმებს კითხვებს უჩენს
ბაზარზე გამოჩნდა ვიტამინის ვეიპები, დამუხტული В ჯგუფის ვიტამინებით. ექიმები უკვე გვაფრთხილებენ, რომ ასეთ ვეიპებს არა მარტო ჩვეულებრივი ბიოაქტიური ნივთიერებების შეცვლა არ შეუძლიათ, ფილტვის კიბოს რისკსაც ზრდიან.
არსი ისაა, რომ სასარგებლო ნივთიერებების უმრავლესობა წყალში ან ცხიმში ხსნადია, ამიტომ ისინი მხოლოდ კუჭ-ნაწლავის ტრაქტით შეიწოვება (უპირატესად წვრილ ნაწლავში). ფილტვებით ვიტამინების მხოლოდ პასიური შთანთქმაა შესაძლებელი, შესუნთქვისას კი კუჭ-ნაწლავის ტრაქტამდე ჰაერის მხოლოდ უმნიშვნელო ნაწილი აღწევს.
კვლევამ დაამტკიცა, რომ В ჯგუფის ვიტამინების ჭარბად მიღება მწეველებს ფილტვის კიბოს 3-ჯერ მეტ რისკს უჩენს. ანალოგიური სიტუაციაა Е ვიტამინის ზედმეტად აქტიური მიღების დროსაც. ნებისმიერ შემთხვევაში, ვიტამინების გარდა, ვეიპებში ფილტვებისთვის სახიფათო ნაერთებიც არის.