ძაღლებს ყნოსვით კიბოს, დიაბეტის, პარკინსონის დაავადებისა და მალარიის ამოცნობა შეუძლიათ
სპეციალისტების თქმით, ძაღლს ყნოსვით შეუძლია გამოავლინოს 5 მილიონ ლიტრ წყალში (ორი ოლიმპიური აუზი) 1 ჩაის კოვზი შაქარი. გარკვეული ნაერთების ძიების სიზუსტე 96%-მდეა. ძაღლები არომატულ მოლეკულების მიხედვით დიაგნოსტიკის ელექტრონულ სენსორებზე უფრო ზუსტები არიან.
კიბო, დიაბეტი, პარკინსონის დაავადება და მალარია - ის დაავადებებია, რომელთა ამოცნობა ძაღლებს ყნოსვით შეუძლიათ. ორგანიზაციამ Medical Detection Dogs გამოიკვლია, რამდენად პერსპექტიულია, სპეციალურად გაწვრთნილი ძაღლების გამოყენება დაავადებათა დიაგნოსტირებისთვის.
ექსპერიმენტის ფარგლებში Medical Detection Dogs ექსპერტებმა გამოიყენეს 10 ძაღლი (რეტრივერი, სპანიელი და კოლი). ძაღლებს უნდა გამოეყოთ დაავადების სუნი, სხვა ნიმუშებიდან. აღმოჩნდა, რომ სიზუსტე 80%-ზე მაღალი იყო.
კვლევამ ასევე დაადასტურა, რომ გაწვრთნილ ძაღლებს შეუძლიათ ჰიპოგლიკემიურ მდგომარეობაში მყოფი დიაბეტით დაავადებულის პოვნა შემთხვევათა 83%-ში.
ლალი ჩხიკვაძე