ლალი ჩხიკვაძე

სამწუხაროდ, არითმია ბოლო პერიოდის გავრცელებული დიაგნოზი გახდა. არითმიის ნაკლებად საშიში სახესხვაობის გვერდით არსებობს ამ დაავადების მეტად მძიმე ფორმები.

ცნობილია, რომ მოსახლეობის 70%-ს აღენიშნება ექსტრასისტოლიები - არითმიის სახე, რომლის სიმპტომიც გახშირებული გულისცემა (გულის რიგგარეშე შეკუმშვა) და გულის არეში ვიბრაციის შეგრძნებაა.

ასევე გახშირდა პრობლემა სახელწოდებით „მოციმციმე არითმია“ - გულის ანომალიური რიტმი ინტენსიურად ცვალებადი შეკუმშვებით.

ექიმების მტკიცებით, გულის სერიოზული დაავადებების პროფილაქტიკა პულსის რეგულარული კონტროლია, რათა არ გამოგვრჩეს საგანგაშო სიგნალები.

პათოლოგიის არარსებობისას პულსი რეგულარული და რიტმულია. წინააღმდეგ შემთხვევაში დაუყოვნებლივ მიმართეთ ექიმს.

წითელი ხორცის ჭარბად მიღება ამცირებს სიცოცხლის ხანგრძლივობას

ჯანსაღი კვების სფეროში ერთ-ერთი ყველაზე მასშტაბური კვლევის შედეგები ცნობილია: მეცნიერები რეგულარულად აკვირდებოდნენ 600 000-მდე მოხალისეს. 10 წლის განმავლობაში დაუღალავად ადევნებდნენ თვალს მათ კვების რაციონს.

სტატისტიკამ აჩვენა, რომ ადამიანები, რომლებიც ყოველდღიურ რაციონში უპირატესობას ანიჭებდნენ წითელ ხორცს (საქონელი, ღორი, ცხვარი), შედიოდნენ ნაადრევი სიკვდილის რისკის მქონეთა ჯგუფში.

თეთრი ხორცის (ქათამი, მწყერი, იხვი, ინდაური) მოხმარება კი, პირიქით, გულ-სისხლძარღვთა სისტემის დაავადებებისა და კიბოს განვითარების რისკს 11-16%-ით ამცირებდა.

პოტენციურ დღეგრძელებად აღიარეს ვეგეტარიანელები (მოცემულ შემთხვევაში ვეგანებად იწოდებიან ისინი, ვინც რაციონიდან ამოიღო მხოლოდ ხორცი და არა თევზი).

რეგულარული სექსი ტვინის აქტივობას უწყობს ხელს

ტვინის სიჯანსაღისა და ახალგაზრდობის შენარჩუნებაში სექსს მნიშვნელოვანი როლი ენიჭება. ეს დაადასტურა მანჩესტერის უნივერსიტეტის მეცნიერების მიერ ჩატარებულმა ექსპერიმენტმა. მასში მონაწილეობდა 58-98 წლის ასაკის 1700 მოხალისე.

მოხალისე მამაკაცთა ნახევარი სქესობრივად აქტიური იყო. იგივე შეიძლება ითქვას 70+ ასაკის მოხალისე ქალების 1/3-ზე. აქტიურ მოხალისეებს სექსი თვეში, სულ მცირე, 1-ხელ ჰქონდათ.

ექსპერიმენტის მონაწილეები ავსებდნენ სქესობრივი ცხოვრების ხარისხსა და „ჯანსაღ აზროვნებასთან“ დაკავშირებულ კითხვარს. შედეგებმა აჩვენა, რომ ტესტებს უკეთ უმკლავდებოდნენ სწორედ ისინი, ვინც კითხვარში მიუთითა, რომ სექსი მათთვის მნიშვნელვანია და მოცემულ მომენტში კმაყოფილები იყვნენ სქესობრივი ცხოვრებით.

რეგულარული სექსი ტვინის აქტივობის შენარჩუნებას უწყობს ხელს.