ყურადღება! თუ გაქვთ კითხვები ფარისებრი ჯირკვლის კვანძოვან დაავადებებთან დაკავშირებით, ეს სიახლე თქვენთვისაა! - მკურნალი.გე

4 თებერვალს, კიბოს საერთაშორისო დღეს, 15:00-დან 16:00 საათამდე, ონკო-ენდოკრინოლოგი თამარ მაკარიძე პირდაპირ ეთერში გასცემს თქვენს კითხვებს პასუხებს.

გადადით ჩვენს ფეისბუქ-გვერდზე და მოგვწერეთ თქვენი კითხვები კომენტარებში ან ამ სტატიის კომენტარებში დაწერეთ, რაც გაინტერესებთ.  მაქსიმალურად ვეცდებით, ყველა მათგანს გავცეთ პასუხი 1 საათის განმავლობაში.

დაელოდეთ პირდაპირ ჩართვას ჩვენს ფეისბუქ გვერდზე ზუსტად 15 საათზე.

კითხვები, რომლებიც ამ დროისთვის არის შემოსული და რომლებზეც მიიღებთ პასუხს ასეთია:

1. რატომ გახშირდა საქართველოში ფარისებრი ჯირკვლის დაავადებები? რა არის საჭირო ამ სტატისტიკის გამოსასწორებლად?

2. რა არის ფარისებრი ჯირკვლის კვანძი, როდის ვითარდება კვანძოვანი ჩიყვი?

3. შეიძლება თუ არა ექოსკოპიით იმის დადგენა, არის თუ არა კვანძი კეთილთვიასებიანი ბუნების?

4. რა სიმპტომები აქვს პაციენტს კეთილთვისებიანი კვანძის დროს და ფარისებრი ჯირკვლის კიბოს შემთხვევაში?

5. კიდევ რა გამოკვლევების ჩატარებაა აუცილებელი?

6. კეთილთვისებიანი კვანძისას თუ დინამიკაში კვანძის ზომა მატულობს, არის თუ არა აუცილებელი ოპერაციული მკურნალობა?

7. რა შემთხვევაში ინიშნება ბიოფსია? არის თუ არა საშიში ბიოფსიის ჩატარება?

8. არსებობს ასეთი მოსაზრება, რომ როდესაც ფარისებრ ჯირკვალში არის სიმსივნური პროცესი, ბიოფსიამ შეიძლება მისი განვითარების დაჩქარებას შეუწყოს ხელი, რამდენად შეესაბამება ეს სიმართლეს?

9. ფარისებრი ჯირკვლის ავთვისებიანი სიმისვნე რამდენნაირი შეიძლება იყოს და რომელია უფრო საშიში პროგნოზულად?

10. შეიძლება თუ არა ავთვსებიანი სიმსივნის დროს ოპერაციის გარეშე ვუმკურნალოთ პაციენტს რაიმე მეთოდით?

11. ოპერაციის დროს მთლიანად კვეთენ ჯირკვალს თუ შეიძლება მხოლოდ გარკვეული სეგმენტი ამოიჭრას?

12. ოპერაციის შემდეგ რა მკურნალობას საჭიროებს პაციენტი?

13. ბევრს ეშინია რადიაქტიური იოდის, იმ მოსაზრებით, რომ მას ბევრი გვერდითი მოვლენა ახლავს, რამდენად სწორია ეს დამოკიდებულება?

14. როგორ შეიძლება თავი დავიცვათ ფარისებრი ჯირკვლის დაავადებებისგან?