ორსულობა სპირტიანი სასმელების უკუჩვენებაა
ბრიტანელი მედიკოსები კარგა ხანს ორსულებისთვის დასაშვებად მიიჩნევდნენ უმნიშვნელო ოდენობის სპირტიანი სასმლის მიღებას, მაგრამ ბოლო ხანს თვალსაზრისი მკვეთრად შეიცვალეს, თუმცა ისიც აღიარეს, რომ მათ რეკომენდაციას მეცნიერული მონაცემები არ უდევს საფუძვლად. მოთხოვნის მთავარი მიზეზი ის არის, რომ ალკოჰოლის "უმნიშვნელო" ოდენობა ყველა ქალს სხვადასხვაგვარად ესმის. ბრიტანელ მეცნიერთა მონაცემებით, ალკოჰოლის დასაშვებ დოზას - კვირაში 1-2 ულუფას - შემთხვევით თუ განზრახ ორსულთა დაახლოებით 9% აჭარბებს. მეანობა-გინეკოლოგიის სამეფო კოლეჯი, რომლის სპეციალისტები ორსულებისთვის ალკოჰოლის ზომიერ გამოყენებას დასაშვებად მიიჩნევენ, მთავრობის ამ ინიციატივას გულგრილად შეხვდნენ.