მთავრობა გვეუბნება, რომ ჰაერში ტყვია არ არის, მაგრამ ფაქტია, რომ სადღაც არის - ტყვიის კერებს საცხოვრებელ სახლებში შეამოწმებენ - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

მთავრობა გვეუბნება, რომ ჰაერში ტყვია არ არის, მაგრამ ფაქტია, რომ სადღაც არის - ტყვიის კერებს საცხოვრებელ სახლებში შეამოწმებენ

თბილისში 20-მდე ოჯახის შემოწმებას იწყებს.

როგორც ორგანიზაცია „ალიანსი უსაფრთხო გზებისთვის“ გამგეობის თავმჯდომარემ, ეკა ლალიაშვილმა განაცხადა, 20-ვე ოჯახში ანალიზის შედეგად დადგინდა, რომ მათთან ტყვიის მაღალი შემცველობაა. თუმცა, მისივე განმარტებით, ჯერჯერობით უცნობია, რა არის ტყვიის კერა.

„მომავალი კვირიდან თბილისში ვიწყებთ 20 ოჯახის შემოწმებას, სადაც უკვე ანალიზით დადგენილია, რომ მათთან ტყვიის კერაა. შემოწმდება საცხოვრებელი გარემო, სინჯებს ავიღებთ კედლის საღებავიდან, იატაკიდან, ჭურჭლიდან, საკვები პროდუქტებიდან, სათამაშოებიდან თუ ოჯახში ბავშვია. ჩვენი მკვლევარი მივა ოჯახში და აიღებს ნიმუშებს, შემდეგ ეს ნიმუშები მიგვაქვს „ხარისხის ლაბორატორიაში“ და დაახლოებით, სამ კვირაში გვეცოდინება პასუხი. კვლევის მთავარი მიზანია დავადგინოთ წყარო, საიდანაც ადამიანები ტყვიას იღებენ. მთავრობა გვეუბნება, რომ ჰაერში ტყვია არ არის, მაგრამ ფაქტია, რომ სადღაც არის. გვინდა ვუთხრათ მთავრობას, რომ კონკრეტულ პროდუქტებში, ნივთებში და ა.შ. აღმოჩნდა ტყვია და რეგულაციები, რომელიც დღეს არ არსებობს, აუცილებელია. დღეს არც ერთი იმპორტირებული პროდუქტი ტყვიის შემცველობაზე არ მოწმდება, თუმცა, რეგულაციების დაწესება საჭიროა“, -აღნიშნავს ლალიაშვილი.

მისივე თქმით, კვლევაში ჩართვის მსურველებს შეუძლიათ ორგანიზაციას „ალიანსი უსაფრთხო გზებისთვის“ დაუკავშირდნენ. „20-ვე ოჯახი თვითონ დაგვიკავშირდა, წარმოადგინეს ანალიზების პასუხები, რომ მათ აქვთ ტყვიის შემცველობა, ამიტომ სურთ კვლევის ჩატარება წყაროს დასადგენად. შემოწმდება სუნელი, საკვები, წყალი, მარილი, ჭურჭელი, სათამაშოები, იატაკის და კედლის საღებავი. პირველი ეტაპის დასრულების შემდეგ, თუ სურვილს კიდევ სხვა ოჯახებიც გამოთქვამს, კვლევას გავაგრძელებთ. საჭიროა მხოლოდ ანალიზის პასუხი, რომ კვლევა დავიწყოთ“, - განაცხადა ლალიაშვილმა.

ცნობისთვის, კვლევაში ჩართული არიან „ალიანსი უსაფრთხო გზებისთვის“, “მწვანე ალტერნატივა“, „პარტნიორობა საგზაო უსაფრთხოებისთვის“, „საქართველოს კვლევებისა და განვითარების ცენტრი“ და „ხარისხის ლაბორატორია“. კვლევაში ასევე ჩართულები არიან აქტიური მოქალაქეები და მოხალისეები, რომლებიც სხვადასხვა ორგანიზაციაში მუშაობენ. ინიციატივის მხარდამჭერია ფონდი „ორბელიანი საქართველოა“.