10 თვის გოგონა, რომელიც გორის რაიონში გარდაიცვალა, კლინიკაში წითელას და ფილტვების ანთების დიაგნოზით იყო მოთავსებული და დედას კლინიკიდან თვითნებურად ჰყავდა წაყვანილი - მკურნალი.გე

რუბრიკები

ოჯახის მკურნალის ანონსი

ივნისი 2019

10 თვის გოგონა, რომელიც გორის რაიონში გარდაიცვალა, კლინიკაში წითელას და ფილტვების ანთების დიაგნოზით იყო მოთავსებული და დედას კლინიკიდან თვითნებურად ჰყავდა წაყვანილი

10 თვის გოგონა, რომელიც გორის რაიონში გარდაიცვალა, კლინიკაში წითელას და ფილტვების ანთების დიაგნოზით იყო მოთავსებული და დედას კლინიკიდან თვითნებურად ჰყავდა წაყვანილი
გორის მუნიციპალიტეტში, სოფელ ბერბუკში გარდაცვლილი 10 თვის ბავშვი წითელას და ფილტვის ანთების დიაგნოზით მკურნალობას თბილისში, ინფექციურ საავადმყოფოში გადიოდა. აღნიშნული კლინიკა გოგონას დედამ თვითნებურად დატოვა. მდგომარეობის გართულების შემდეგ, ბავშვი გორის საავადმყოფოში მიიყვანეს, თუმცა, სტაციონარულ მკურნალობაზე დედამ კვლავ უარი განაცხადა. აღნიშნულის შესახებ დედათა და ბავშვთა ცენტრ ,,იავნანას“ ექიმი, პედიატრი თამილა გოგიაშვილი აცხადებს.

მისივე თქმით, შესაბამისი სამედიცინო დახმარების გაწევის და დანიშნულების მიცემის შემდეგ გოგონა მშობელს განმეორებით კონსულტაციაზე უნდა მიეყვანა, თუმცა, ბავშვი კლინიკაში აღარ შესულა. ,,ბავშვი ჩვენს კლინიკაში, მიმღებ განყოფილებაში, შემოიყვანეს 31 დეკემბერს 18 საათსა
და 25 წუთზე, აღენიშნებოდა ტემპერატურული რეაქცია და ხველა. შევაგროვე ანამნეზი და როგორც გამოვარკვიე, წინა დღით, 30 დეკემბერს, დედას, თვითნებურად, ხელწერილის საფუძველზე, შეწყვეტილი ჰქონდა მკურნალობა თბილისის ერთ-ერთ კლინიკაში, კერძოდ, ინფექციურ საავადმყოფოში და იქიდან ჰყავდა წამოყვანილი ბავშვი თავისი სურვილით. შემოყვანისას, ბავშვის ზოგადი მდგომარეობა საშუალო სიმძიმის იყო, მაგრამ,
მოგეხსენებათ, ვირუსული ინფექციაა გავრცელებული, თანაც, ბავშვი 10 თვის იყო და ჩვენ ყველას ვთავაზობთ, რომ მოთავსდეს სტაციონარში. დედამ ამაზე უარი განგვიცხადა. აღნიშნა, რომ დედა ჰყავდა ცუდად და მას მეთვალყურეობა სჭირდებოდა და გარდა ამისა, სახლში კიდევ ჰყავდა მცირეწლოვანი შვილი. გავუწიეთ სათანადო დახმარება, ტემპერატურა ნორმალიზდა, ბავშვი გაეწერა ბინაზე, მოწვეული მყავდა განმეორებით კონსულტაციაზე, თუმცა, აღარ მოსულან.

როგორც დედამ თავად აღნიშნა, თბილისში, ინფექციურ საავადმყოფოში ბავშვი მოთავსებული იყო წითელას დიაგნოზით, შემდგომ გართულდა და ფილტვის ანთებაც დაუდგინდა. დედის თქმით, ბავშვს მკურნალობა უტარდებოდა რეანიმაციულ განყოფილებაში, შემდეგ გადაიყვანეს პალატაში, საიდანაც ხელწერილით წამოიყვანა. აქედანაც, ჩვენი კლინიკიდანაც, ასევე დააფიქსირა ხელმოწერით, რომ უარს აცხადებდა სტაციონარში მოთავსებაზე“, - აცხადებს ექიმი პედიატრი თამილა გოგიაშვილი.

ექიმის განცხადებითვე, ბავშვის დედამ აღნიშნა, რომ მისი მეუღლე ყვარლის რაიონიდან იყო და თავად დედასთან იმყოფებოდა სტუმრად სოფელ ბერბუკში.

გორის მუნიციპალიტეტის სოფელ ბერბუკში 10 თვის ბავშვი სახლში გარდაცვლილი იპოვნეს. ბავშვი ბებიას ჰყავდა ჩაბარებული. მომხდარზე გამოძიება სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

გააკეთეთ კომენტარი
კომენტარი არ გაკეთებულა
მსგავსი სიახლეები
აცრის საწინააღმდეგო მოძრაობა მთელს მსოფლიოში იკრებს ძალებს. ვაქცინაციის მოწინააღმდეგეები აცრის საშიშროებაზე
11-03-2019
1-ელი იანვრიდან დღემდე, საქართველოში წითელას 1370 შემთხვევა დაფიქსირდა.
12-02-2019
ჯანდაცვის მსოფლიო ორგანიზაციის ექსპერტებმა შეადგინეს კაცობრიობისათვის საფრთხის შემცველი ყველაზე
04-02-2019
დიეტოლოგია
ქულების დიეტა "კრემლის დიეტის" სახელითაცაა ცნობილი. ეს არის ნახშირწყლების დაბალი შემცველობის დიეტა,
ყაბაყისა და ცუკინის დიეტის პრინციპი მარტივია - ყოველდღე ჩართეთ მენიუში ამ ბოსტნეულის ნებისმიერი კერძი. ერთ თვეში 5 კილოგრამს დაემშვიდობებით.
ატკინსის დიეტა დაბალნახშირწყლოვან დიეტებს მიეკუთვნება. მას სხვანაირად ცილოვან დიეტასაც უწოდებენ. მისი
კატეგორიის სხვა სტატიები
2019 წლის 20 ივ­ნი­სი სა­ქარ­თვე­ლოს ის­ტო­რი­ა­ში ერთ-ერთ უმ­ძი­მეს ღა­მედ დარ­ჩე­ბა.
20-21 ივნისს პარლამენტის მიმდებარე ტერიტორიაზე აქციის დაშლის დროს დაშავებულებიდან 19 ადამიანი კვლავ კლინიკებში
თბილისის კლინიკებში 20-21 ივნისის მოვლენებისას დაშავებული 28 ადამიანი აგრძელებს მკურნალობას.
რუსთაველის გამზირზე საპროტესტო აქციაზე დაშავებულებიდან ალადაშვილის კლინიკაში ამ დროისთვის 6 პაციენტი იმყოფება,
განურჩევლად იმისა, სად აპირებთ დასვენებას - ზღვაზე თუ მთაში, აუცილებელია თან გქონდეთ პატარა აფთიაქი პირველი დახმარების მედიკამენტებით.
კოღოს ნაკბენს ახასიათებს ქავილი და ხშირად სწორედ ქავილი ხდება ინფექციების შეჭრის, ნაკბენის გაღიზიანების და დიდხანს მოუშუშებლობის მიზეზი.
ზაფხულის დადგომასთან ერთად მატულობს ნაწლავური ინფექციების სიხშირე. დიარეა - ნაწლავთა გახშირებული
ზოგი სიცხეს ვერ იტანს, ზოგიც - სიცივეს. ალბათ, ბევრს აინტერესებს, რომელი უფრო საშიშია ორგანიზმისთვის.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად