კულტურის ყოფილი მინისტრი მიხეილ გიორგაძე კლინიკიდან გაწერეს
მეგობარმა კახა კანდელაკმა ambebi.ge-ს განუცხადა, გიორგაძე უკვე კარგად არის. „საბედნიეროდ, ოპერაცია არ დასჭირდა, ნეკნები არ იყო აცდენილი, ფილტვის მუშაობაც აღდგა. ჯანმრთელი ორგანიზმი აქვს, სპორტმა გადაარჩინა. რეაბილიტაციას გადის, პერიოდულად უწევს კლინიკაში მისვლა. სავარაუდოდ, მომავალ კვირას ჩამოვა საქართველოში“, - განაცხადა კახა კანდელაკმა.
მიხეილ გიორგაძე ნოემბერში ავარიაში მოჰყვა, რომლის დროსაც თავის მძიმე ტრავმა მიიღო. ის სტამბოლის კლინიკაში გადაიყვანეს. გიორგაძე 9 დღის განმავლობაში კომაში იმყოფებოდა.