ამირან გამყრელიძე - ლაბორატორიულად დადასტურდა გრიპის 63 შემთხვევა, რომლის 95% სწორედ H1N1-ია - მკურნალი.გე

რუბრიკები

ოჯახის მკურნალის ანონსი

ივლისი

კითხვა-პასუხი

ამირან გამყრელიძე - ლაბორატორიულად დადასტურდა გრიპის 63 შემთხვევა, რომლის 95% სწორედ H1N1-ია

ამირან გამყრელიძე - ლაბორატორიულად დადასტურდა გრიპის 63 შემთხვევა, რომლის 95% სწორედ H1N1-ია
ბოლო 3 კვირის განმავლობაში ლაბორატორიულად დადასტურდა გრიპის 63 შემთხვევა და აქედან 95% სწორედ H1N1-ია, - ამის შესახებ "ინტერპრესნიუსს" დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ განუცხადა.

მისივე განცხადებით, ქვეყანაში ეპიდემიური ვითარება არ არის, რადგან მიმართვიანობა 100 000 მოსახლეზე 221-ს შეადგენს და აღნიშნული ვირუსი წელს, არამხოლოდ საქართველოში, არამედ ევროპაშიც ცირკულირებს.

"მოგეხსენებათ, გრიპის ვირუსებს სეზონურობასთან ერთად ციკლურობა ახასიათებს და ამიტომ სხვადასხვა სეზონზე სხვადასხვა ტიპის ვირუსი ცირკულირებს. შარშან იყო უფრო მეტი H3, წელს კი არის H1N1 და ის უფრო რთული კლინიკური
მიმდინარეობით ხასიათდება, ვიდრე H3. H1N1-ის შემთხვევაში, მძიმე შემთხვევებით მიმართვიანობა ძირითადად, პირდაპირ სტაციონარებში იმატებს. ამასთან, მომატებული რისკის მქონე ადამიანებში სხვადასხვა გართულება მიმდინარეობს. ეს გართულებები ძირითადად, სასუნთქ სისტემას ეხება - წელს, პნევმონიის უფრო მეტი შემთხვევა ფიქსირდება, ვიდრე შარშან, განსაკუთრებით, მაღალი რისკის მქონე ადამიანებში, ორსულ ქალებში, მოხუცებსა და
პირველ რიგში, ბავშვებში", - აღნიშნა ამირან გამყრელიძემ.

დაავადებათა კონტროლის ეროვნული ცენტრის დირექტორის ინფორმაციით, გრიპის ვირუსით გარდაცვალების ლაბორატორიულად დადასტურებული ერთი შემთხვევა დაფიქსირდა. შემთხვევა დღეს, აჭარის რეგიონში მოხდა.

"ჯერჯერობით, ქვეყანაში ეპიდემიური სიტუაცია არ გვაქვს. დღევანდელი სტატისტიკური მონაცემებით, მიმართვიანობა 100 000 მოქალაქეზე დაახლოებით, 221-ია, ეპიდემიური ზღვარი კი გადის დაახლოებით 450-500-ზე, ამიტომ, რა თქმა უნდა, ჯერ ეპიდემიური სიტუაცია ქვეყანაში არ არის, თუმცა ვითარება საყურადღებოა, რადგან წინა კვირასთან შედარებით, 100 000 მოსახლეზე დაახლოებით, 30 ერთეულით გვაქვს მატება", - აღნიშნა მან.

ამირან გამყრელიძე მოსახლეობას მოუწოდებს, გრიპის ვირუსთან დაკავშირებით, განსაკუთრებული სიფრთხილე გამოიჩინონ.

"ასევე,სტაციონარებში მიმართვიანობა შედარებით გაზრდილია, ამიტომ მოვუწოდებ მოსახლეობას, რომ განსაკუთრებული სიფრთხილით იყვნენ, პირველ რიგში კი მშობლები ბავშვებთან მიმართებაში. იმ შემთხვევაში, თუ ტემპერატურა 38,5 გრადუსზე ზემოთ აიწევს, აუცილებელია, ექიმთან კონსულტაცია. ბავშვი არ უნდა გავუშვათ ბაღში, სკოლაში და სახლში იზოლირების საშუალება უნდა იყოს. პირველივე დღეს აუცილებელია კონტაქტი ოჯახის ექიმთან", - აღნიშნა მან.
გააკეთეთ კომენტარი
კომენტარი არ გაკეთებულა
მსგავსი სიახლეები
ჯანდაცვის მსოფლიო ორგანიზაციის იმუნიზაციისა და ვაქცინებით მართვადი დაავადებების პროგრამის მენეჯერის სიდართა დატას შეფასებით,
24-05-2021
სა­ქარ­თვე­ლო­ში კო­რო­ნა­ვირუ­სის სა­წი­ნა­აღ­მდე­გო ჩი­ნუ­რი ვაქ­ცი­ნით, "სი­ნო­ვა­კით“ აცრა დღე­ი­დან იწყე­ბა.
24-05-2021
ბრიტანული კოლუმბიის უნივერსიტეტში დაადგინეს, რომ ABO გენის ზოგიერთი ვარიაცია ზრდის COVID-19-ის სრულფასოვნად განვითარების
24-05-2021
კატეგორიის სხვა სტატიები
ახალი ზელანდია დაასახელეს იმ ქვეყნად, რომელიც ცივილიზაციას გადაურჩება.
მკვლევარებმა გამოიკვლიეს 40 წელს გადაცილებული 1,8 მილიონი ბრიტანელის მონაცემები, რომლებმაც სისხლში ქოლესტერინის დონე განსაზღვრეს
ManageMy Pain – კომპანიის ManagingLife-ის მიერ შემუშავებული პროგრამაა. 246 ქრონიკული ტკივილის მქონე მოხალისის მონაწილეობით ჩატარდა კვლევა.
შვედეთის უფსალისა და უმეოს უნივერსიტეტების მეცნიერებმა დაადგინეს, რომ გულის შეტევის განვითარების რისკი იზრდება კვირის გარკვეულ დღეს.
90 კილოგრამამდე წონაში ქართველი ძიუდოისტი ლაშა ბექაური ტოკიოს ოლიმპიური თამაშების ჩემპიონი გახდა.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
საკვების მონელების პროცესის ამა თუ იმ რგოლის მოშლისას,
არსებობს უამრავი კოსმეტიკური პროდუქტი, რომლებიც მსხლის ინგრედიენტებსაც შეიცავს.
მზის მცხუნვარე სხივები უარყოფითად მოქმედებს თმის სიჯანსაღესა და შესახედაობაზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად