სიახლეები

ინვალიდის ეტლისთვის მეცნიერებმა ახალი "ჭკვიანი ბალიში" შექმნეს

ინვალიდის ეტლისთვის მეცნიერებმა ახალი "ჭკვიანი ბალიში" შექმნეს
არლინგტონის ტეხასის უნივერსიტეტის ამერიკელმა ინჟინრებმა ინვალიდის ეტლისთვის შექმნეს ახალი საჯდომი ნაწილი, რომელიც ნაწოლების განვითარებას აფერხებს. მოგეხსენებათ ე.წ. ნაწოლები პაციენტებს სხეულის იმ ნაწილებში უვითარდებათ, რომლებიც ხანგრძლივ ზეწოლას განიცდის (შესაბამისი არის ქსოვილთა ტროფიკა ამ დროს მნიშვნელოვნად ირღვევა).

დასახელებული პრობლემის ასარიდებლად სპეციალისტებმა შექმნეს სპეციალური ბალიში, რომელიც დასაბერი სექციებისგან შედგება. აღნიშნული სექციები (განყოფილებები) პერიოდულად იბერება და იჩუტება, რითაც ცვლის სხეულის შესაბამის უბნებზე ზეწოლას.

ამ პრინციპზე დაყრდნობით ტეხასის უნივერსიტეტის სპეციალისტებმა გააუმჯობესეს ბალიში, ჩართეს რა მის კონსტრუქციაში ზეწოლისადმი მგრძნობიარე სენსორები. ამ უკანასკნელთა დახმარებით იქმნება დეტალური რუქა, ამსახველი იმისა,
თუ სხეულის რომელმა უბანმა განიცადა ზეწოლა და რა დროით. ამ ინფორმაციაზე დაყრდნობით ბალიში ავტომატურ რეჟიმში ბერავს ან ჩუტავს შესაბამის სექციებს ანუ ამცირებს ზეწოლას სხეულის იმ უბნებზე, რომლებმაც ხანგრძლივი ზეწოლა მიიღეს და დასვენებულ უბნებზე გადართვას ახორციელებს. გარდა ამისა, ახალი საჯდომი ბალიში პერიოდულად ცვლის ზეწოლის პროფილს, იმისათვის,
რომ სხეული არ მიეჩვიოს დატვირთვის გარკვეულ შაბლონებს.

ეს ახალი სისტემა უკვე დაპატენტებულია, თუმცა, ამ ეტაპზე მისი ტესტირება ჯერ კიდევ ჯანმრთელ პირებთან მიმდინარეობს.

თინათინ გოცაძე