ტაილანდის გამოქვაბულში ჩარჩენილი 4 ბიჭი უკვე ამოიყვანეს, დანარჩენების ამოყვანა უახლოეს პერიოდში უნდა მოხერხდეს
მოზარდები ქალაქ ჩიანგრაიას საავადმყოფოში გადაიყვანეს, რომელიც გამოქვაბულიდან 60 კილომეტრში მდებარეობს.
ორი მოსწავლე სასწრაფო დახმარების ავტომანქანებით, ორი კი ვერტმფრენით გადაიყვანეს. სასწრაფო დახმარების ავტომანქანის შეუფერხებლად გასატარებლად ავტომაგისტრალი გადაიკეტა.
დანარჩენების გამოყვანა უახლოესი 10-20 საათის განმავლობაში იგეგმება, რადგან ამინდის პროგნოზით, შემდეგ დიდი წვიმაა მოსალოდნელი და გამოქვაბული შესაძლოა მთლიანად გადაიკეტოს.
12 ფეხბურთელი და მათი მწვრთნელი ექსკურსიაზე 23 ივნისს წავიდნენ. წყალდიდობის გამო გამოსასვლელი დაიტბორა და უკან დაბრუნება ვეღარ შეძლეს. გაუჩინარებიდან 9 დღის შემდეგ ისინი ბრიტანელმა მყვინთავებმა იპოვეს, თუმცა იმის გამო, რომ გვირაბები მთლიანად წყლითა და ტალახით არის სავსე, ბიჭების გამოყვანა ამ დრომდე ვერ ხერხდებოდა.