სიახლეები

საქართველოში ტკივილის მართვის თანამედროვე მიდგომების შესახებ კონფერენცია ჩატარდა

საქართველოში ტკივილის მართვის თანამედროვე მიდგომების შესახებ კონფერენცია ჩატარდა
2018 წლის 31 მაისს და 1 ივნისს, ფარმაცევტული კომპანია "ბერლინ-ხემი/ მენარინის" სპონსორობით, საქართველოში ჩატარდა საერთაშორისო კონფერენცია ტკივილის მართვაში, სახელწოდებით "ტკივილის და პოდაგრის აკადემია", რომელიც ეძღვნება ტკივილის მართვის თანამედროვე მიდგომებს. კონფერენციის მიზანია, სიღრმისეულად იქნას განხილული სხადასხვა სახის ტკივილი, მაგ.: მწვავე და ქრონიკული ტკივილი, პოდაგრა, თავის და წელის ტკივილი, პოსტოპერაციული ტკივილი, ოსტეოართრიტი და ა.შ. კონფერენციის დროს წარმოდგენილი იქნება ტკივილის მართვის უახლესი გზამკვლევები (გაიდლაინები), მოხდება მსჯელობა არსებული გაიდლაინების ირგვლივ, განიხილება როგორც ევროპის, ასევე ტკივილის მსოფილიო ასოციაციის და დიდი ბრიტანეთის ტკივილის სამეფო სკოლის მიდგომები და
პოზიციები. დისკუსია გაიმართება იმ სიძნელეეზე, რომელიც სწორედ ტკივილის მკურნალობას უკავშირდება. დამსწრე საზოგადოება ასევე გაეცნობა ტკივილის მიმდინარე "ნოუ-ჰაუ"-ს და პაციენტების მკურნალობის საუკეთესო შესაძლებლობებს. ტკივილის, როგორც გლობალური პრობლემის სიღრმისეული განხილვა ხელს შეუწობს სამომავლოდ ტკივილის ეფექტიან კონტროლს, დროულ გამოვლენასა და გართულებების თავიდან აცილებას. ამ ინიციატივის მიზანია, ტკივილის სფეროში,
საერთაშორისო დონის, ტოპ ექსპერტების გამოცდილების გაზიარება.