მელანია ტრამპს თირკმლის ემბოლიზაციის პროცედურა ჩაუტარეს
პროცედურის ჩატარებამდე ჟურნალისტებს განუცხადეს, რომ მელანია პროცედურის შემდეგ 2-3 დღე დარჩებოდა კლინიკაში, მაგრამ მას 5 დღე დასჭირდა ჰოსპიტალიზაცია. პირველი ლედის კომუნიკაციის დირექტორი ავრცელებს ინფორმაციას, რომ მელანია ტრამპი თვას კარგად გრძნობს, დღეს იგი თეთრ სახლში დაბრუნდა და ისვენებს.
როგორც მელანია ტრამპის ექიმი ბერნსი ამბობს, ემბოლიზაციის პროცედურის ჩატარების მიზეზი კეთილთვისებიანი სიმსივნე - ანგიომიოლიპომა გახდა. ემბოლიზაციის პროცედურის დროს იკეტება სიმსივნისკენ მიმავალი სისხლძარღვები და შესაბამისად წყდება სიმსივნისკენ სისხლის ნაკადი, რაც მის შემდგომ ზრდას უშლის ხელს. პროცედურის ჩასატარებლად გამოიყენება კათეტერი, რომელიც იდგმება თეძოს არტერიაში, საზარდულიდან მარჯვნივ და მიემართება თირკმლისკენ და როდესაც მიღწევს იმ წვრილ არტერიებამდე, რომელთა ემბოლიზაციაც არის საჭირო, მასში შეჰყავთ ემბოლიზაციის გამომწვევი ნივთიერება.
პროცედურის შემდგე სიმსივნე შეწყვეტს ზრდას ან საერთოდ ქრება. თუ ეს ასე მოხდა, შემდგომი ჩარევა აღარ იქნება საჭირო, მაგრამ თუ პრობლემამ ისევ იჩინა თავი, საჭირო იქნება დაკვირვება - ამბობს ტრამპის მკურნალი ექიმი.