ლიფტში თავდასხმის შედეგად დაშავებულ 13 წლის მოზარდს მხედველობა დაუბრუნდა
- ამის შესახებ "ინტერპრესნიუსს" დაშავებული ბავშვის ოჯახის წევრებმა განუცხადეს.
მათი ინფორმაციით, ბავშვს იაშვილის კლინიკაში ჩაუტარდა შესაბამისი სამედიცინო დახმარება, მხედველობასთან დაკავშირებული პრობლემა მოგვარებულია და მკურნალობას ექვემდებარება.
13 წლის მოზარდი გადაუდებელი დახმარების განყოფილებიდან პალატაში გადაიყვანეს. მასთან დედა და დეიდა იმყოფება. ბიჭს მრავლობითი დაზიანებები ძირითადად სახის არეში აღენიშნება.
ადგილზე ასევე იმყოფებიან სამართალდამცველები, რომლებიც ბავშვის პალატაში ავიდნენ, სადაც სავარაუდოდ გამოკითხავენ. ასევე ცნობილია, რომ მოზარდი კონტაქტურია.
ასევე წაიკითხეთ:
რა დაზიანებები აქვს მოზარდს, რომელზეც ლიფტში იძალადეს - ექიმის პირველი კომენტარი