გიორგი ხვადაგიანი: „არ არსებობს საშარდე გზების კენჭი, რომლის გამოც ჩვენს კლინიკაში საჭირო გახდეს ღია წესით ოპერაციის ჩატარება“
რომლის გამოც ჩვენს კლინიკაში საჭირო გახდეს ღია წესით ოპერაციის ჩატარება“.
მედიცინის სფეროში საქართველოს ნაციონალური ბრენდი, ი. ჟორდანიას სამედიცინო ცენტრი, ქალისა და მამაკაცის რეპროდუქციული მედიცინისა და გინეკოლოგიის მიმართულებით ჩვენს ქვეყანაში პირველი სპეციალიზებული სამედიცინო ცენტრია. 2016 წლიდან, ი. ჟორდანიას სახელობის ინსტიტუტის VIVO Medical Group- ში გაერთიანების შემდეგ, კლინიკა სრულად განახლდა, აღიჭურვა მკურნალობისა და დიაგნოსტიკის ბოლო თაობის მაღალტექნოლოგიური აპარატურით.
რა სიახლეს სთავაზობს პაციენტებს ი. ჟორდანიას სამედიცინო ცენტრი შარდ-კენჭოვანი დაავადების მკურნალობაში, გვესაუბრება ი. ჟორდანიას სახელობის სამედიცინო ცენტრის უროლოგიური სამსახურის უფროსი, გიორგი ხვადაგიანი
ბატონო გიორგი, რა პათოლოგიაა შარდ-კენჭოვანი დაავადება?
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
შარდ-კენჭოვანი დაავადება მოიცავს კენჭებს თირკმელში, შარდსაწვეთსა და შარდის ბუშტში.
რამ შეიძლება გამოიწვიოს შარდ-კენჭოვანი დაავადების განვითარება?
საშარდე გზებში კენჭების განვითარების სხვადასხვა მიზეზი არსებობს. შარდის ბუშტში კენჭების უმრავლესობა ვითარდება მოშარდვის აქტის გაძნელების და ნარჩენი შარდის გამო. იშვიათად ეს კენჭები ინფექციითაა გამოწვეული. რაც შეეხება თირკმლის კენჭებს: ისინი შეიძლება გაჩნდნენ არასაკმარისი წყლის, ჭარბი მარილის, ჭარბი ოქსალატის, ჭარბი ცილის მიღების, გარემოს მაღალი ტემპერატურის, მეტაბოლური დარღვევის, გენეტიკური ფაქტორების, ინფექციის და ბარიატრიული ოპერაციის შემდგომი მდგომარეობის გამო.
რა ჩივილებით ვლინდება ეს დაავადება?
შარდის ბუშტის კენჭი ვლინდება მოშარდვის პრობლემებით, წვით და ტკივილით მოშარდვის დროს.
თირკმლის კენჭების უმრავლესობა ასიმპტომურია. პაციენტი მათ გრძნობს მხოლოდ იმ შემთხვევაში თუ კენჭი თიკმლის რომელიმე მონაკვეთში ან შარდსაწვეთში გაეჭედა და შეფერხდა შარდის გამოყოფა. ამ შემთხვევაში არის ძლიერი, შეტევითი ხასიათის ტკივილი.
ი. ჟორდანიას სახელობის სამედიცინო ცენტრში, არსებობის 66 წლიანი ისტორიის მანძილზე მუდმიმვად ინერგება მკურნალობისა და დიაგნოსტიკის პროგრესული მეთოდები. რა სიახლეებს სთავაზობს პაციენტებს ი. ჟორდანიას სახელობის სამედიცინო ცენტრი შარდ-კენჭოვანი დაავადების სამკურნალოდ?
ი. ჟორდანიას სახელობის სამედიცინო ცენტრი სთავაზობს პაციენტებს შარდ-კენჭოვანი დაავადების მკურნალობის სრულ სპექტრს.
გვყავს უროლოგიური გუნდი, რომელიც აღნიშნულ დაავადებაზე მრავალი წელია მუშაობს. გვაქვს ექსტრაკორპორალური ლითოტრიფსიის აპარატი, რომლითაც ხდება შედარებით მცირე ზომის კენჭების ქირურგიული ჩარევის გარეშე დამტვრევა. არ კეთდება ჭრილობა და პაციენტს არ სჭირდება ნარკოზი. პროცედურა გრძელდება დაახლოებით 40 წუთი და პაციენტი მიდის სახლში.
გვაქვს ენდოსკოპიური საოპერაციო, 4k გარჩევადობის ეკრანითა და ყველა ტიპის ენდოსკოპიური ინსტრუმენტით, რომელიც შეიძლება საჭირო გახდეს სხვადასხვა მდებარეობის და ზომის კენჭზე ოპერაციისათვის.
და ბოლოს, გვაქვს 150 ვატის სიმძლავრის ჰოლმიუმის ლაზერი, რომელიც საშუალებას გვაძლევს რომ არ ვიყოთ შეზღუდული კენჭის დიდი ზომით და მისი სიმკვრივით. მაღალი სიმძლავრე ამტვრევს ნებისმიერი სიმკვრივის კენჭს, ხოლო მაღალი სიხშირე გვაძლევს საშუალებას დიდი ზომის კენჭებიც სწრაფად დაქუცმაცდეს.
ყოველივე ზემოთ ჩამოთვლილიდან გამომდინარე, არ არსებობს საშარდე გზების კენჭი, რომლის გამოც ჩვენს კლინიკაში ღია (გაჭრით) წესით ოპერაციის ჩატარება გახდება საჭირო.
R
