როგორ ვაქციოთ კაცისთვის თავის მოვლა სასიამოვნო პროცესად
ქალისა და მამაკაცის ფიზიოლოგიური განსხვავებების მიუხედავად, მამაკაცი მგრძნობიარეა გარემოს უარყოფითი ზემოქმედების დროსაც. მან შეიძლება განიცადოს ენერგიის ნაკლებობა ან იმუნიტეტის შემცირება. ცუდი ეკოლოგიური პირობები, დაუბალანსებელი დიეტა, კონსერვანტები, სტრესი ასევე ცვლის ბუნებრივ პროცესებს მამაკაცის ფიზიოლოგიაში.
სამწუხაროდ, კაცების უმეტესობა ნაკლებად ზრუნავს ჯანმრთელობაზე. ისინი იშვიათად იტარებენ ანალიზებს, მამაკაცების 90% კი საერთოდ არ მიდის ექიმთან, ვიდრე არ შეამჩნევენ, რომ დაავადება ცვლის მათი ცხოვრების წესს და ხელს უშლის ყოველდღიურ საქმიანობაში.
როგორ დავეხმაროთ მამაკაცს ჯანსაღი ცხოვრების წესის დაცვაში?
ნაბიჯი 1: რას მოიცავს საჭმლის ულუფა?
დასაწყისისთვის შექმენით ჯანსაღი კვების საფუძველი – დაბალანსებული დიეტა, რომელიც მდიდარია ვიტამინებითა და მინერალებით, აუცილებელია ყველასთვის, სქესისა და ასაკის მიუხედავად.
თუ ეს შესაძლებელია, გაუზიარეთ მამაკაცს ინფორმაცია და მოიხმეთ მაგალითები იმის შესახებ, როგორ მოქმედებს გასტრონომიული ექსცესები ჯანმრთელობაზე, რა დატვირთვა აქვს საჭმლის მომნელებელ ორგანოებს და რატომ შეიძლება გამოიწვიოს პროგრესირებადმა ჭარბმა წონამ სისხლძარღვებისა და გულის სერიოზული პრობლემები. თუმცა, ეს ინფორმაცია იმ ფორმით უნდა მიაწოდოთ მამაკაცს, რომ ამან არ განაპირობოს მისი შეშინება და ნეგატიური რეაქციის წარმოშობა. მაგრამ მათი ინფორმირება იმის შესახებ, რომშემწვარი და ცხიმოვანი ნივთიერებები აზიანებს ღვიძლს და მათი დაბალანსება ბევრი ბოსტნეულისა და მწვანილის დამატებითაა შესაძლებელი, ეს უკვე კარგი დასაწყისია.
პარალელურად შეცვალეთ ოჯახის კვების რაციონიც, მაგრამ თანდათანობით. კვების არასწორი ჩვევების აღმოფხვრა, რომლებიც დიდი ხნის მანძილზე თქვენი ოჯახის ცხოვრების ნაწილი იყო, რასაკვირველია მარტივი არ არის. თუმცა ახალი, გემრიელი და ჯანსაღი საკვების რეცეპტების დახმარებით ეს შესაძლებელი გახდება. შაბათ-კვირის განმავლობაში სასიამოვნო იქნება ოჯახის წევრებთან ერთად საჭმლის მომზადება, განსაკუთრებით კი თუ ოჯახში ბავშვები არიან. ამით ისინი ბავშვობიდანვე დაინტერესდებიან ჯანსაღი ცხოვრების წესით და დროთა განმავლობაში იქცევა ოჯახის ახალ ტრადიციად.
ნაბიჯი 2: დეფიციტის შევსება
რაც უნდა დაბალანსებული იყოს დიეტა, ხშირად შეუძლებელია საკვებიდან ყველა საჭირო ნივთიერების ათვისება. სხეულმა რომ ვიტამინებისა და მინერალების დღიური ნორმა მიიღოს, ძალიან მნიშვნელოვანია დანამატების მიღება. ასეთი კომპლექსი შესანიშნავი დამხმარე გახდება მამაკაცის სიცოცხლის უნარიანობისა და ჯანმრთელობის შენარჩუნებისთვის, მაღალი ტონუსისა და იმუნური სისტემის ფუნქციონირებისათვის. ერთი კოლოფი განკუთვნილია 3 კვირის გამოყენებისთვის.
ნაბიჯი 3: იმოძრავეთ
შემდეგი საკმაოდ მარტივი, მაგრამ ეფექტური რეკომენდაციაა, რომელიც დაეხმარება თქვენს მამაკაცს ჯანსაღი ცხოვრების წესთან მიახლოებაში. ამისთვის, თქვენ ერთად შეგიძლიათ საინტერესო აქტივობები გააკეთოთ. მაგალითად, ფილმის ყურების ნაცვლად, გასეირნოთ პარკში, ატაროთ ველოსიპედი ან გორგოლაჭები.. თქვენ შეგიძლიათ არა მხოლოდ შესანიშნავი დრო გაატაროთ, არამედ ერთად დაისახოთ ახალი მიზნები და ისწრაფოდ მათ მისაღწევად – მაგალითად, გააკეთოთ ჩელენჯი, რომ ერთ თვეში შეძლებთ 5 კმ-ის თავისუფლად გავლას ან გარბენას.
ნაბიჯი 4: დაიწყეთ თქვენი თავით
თუ ქალი თავად არ ზრუნავს თავის თავსა და ჯანმრთელობაზე, კაცისთვისაცრთული იქნება ჯანსაღი ცხოვრების წესის არჩევა. იკვებეთ სწორად, ივარჯიშეთ რეგულარულად და გაუზიარეთ მამაკაცს თქვენი შეგრძნებები. მაგალითად, რამდენაც ენერგიული გახდით სისტემური ვარჯიშისას. თქვენი ფიზიკური ფორმებისა და განწყობის ცვლილება უბიძგებს მამაკაცსაც ჯანსაღი ცხოვრების წესის დაცვისა და ცხოვრების სტილად ქცევისაკენ.
ნაბიჯი 5: გაუკეთეთ მამაკაცს საჩუქარი
აჩუქეთ მამაკაცს კანის მოვლის შესაფერისი პროდუქტები და არ დაგავიწყდეთ აღნიშნოთ, რამდენად ბედნიერი იქნებით, თუ ის მათ გამოიყენებს.
მამაკაცის სხეულს სჭირდება როგორც ვიტამინებისა და მინერალების მიღება ორგანიზმში მიმდინარე პროცესებისთვის, ისე კანის სრულყოფილიმოვლა. თუ თქვენი ოჯახის წევრი მამაკაცი არ არის მიჩვეული კანის მოვლას, შეგიძლიათ საპარსი პროდუქტებითდაიწყოთ.
ეს ყველაფერი კაცისთვის თავის მოვლას სასიამოვნო პროცესად გადააქცევს!