რატომ უადვილდება მამაკაცს გაზაფხულზე შეყვარება?
კოლექტიური არაცნობიერის დონეზე ახალი სასიცოცხლო ციკლის დაწყება გაზაფხულის დადგომას უკავშირდება. გაზაფხული არის დრო, როდესაც ბუნება იღვიძებს ზამთრის ხანგრძლივი ძილის შემდეგ.
როდესაც ვუყურებთ, როგორ იღვიძებს ბუნება, ჩნდება კვირტები და ყვავილები ყვავის, ჩვენ არ შეგვიძლია გულგრილი დავრჩეთ და არ ვიგრძნოთ თავი იმის განუყოფელ ნაწილად, რაც ხდება.
ადამიანებს უჩნდებათ ახალი იმედები, გამწვავებული სურვილები. სული მღერის და გული იხსნება ახალი თავგადასავლებისთვის.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
გაზაფხული ახალგაზრდობის, ახალი წამოწყების, შთამომავლობის დაბადების სიმბოლოა. თუ სეზონებს წარმოვიდგენთ, როგორც ეტაპებს ადამიანის ცხოვრებაში, მაშინ დავინახავთ, რომ გაზაფხული სიმბოლოა ახლის დაბადების, ზაფხული ყვავილობაა, შემოდგომა – მოსავლის აღება, ზამთარი კი სიმშვიდე, ძილი, დასვენება. ამიტომ, გასაკვირი არ არის, რომ გაზაფხულზე ადამიანს რაღაცის შეცვლა სურს. ამავდროულად, ჩვენ გვაქვს მეტი ენერგია მიღწევებისთვის, რადგან მზე უფრო კაშკაშაა, ხოლო დღის საათები – უფრო ხანგრძლივი.
რაც უფრო ხშირად ანათებს მზე, მით უფრო ემოციური ხდება ადამიანი. და ამ დროს გვსურს მეტი კომუნიკაცია მათთან, ვინც გვხიბლავს. მზეზე ყოფნისას ორგანიზმში D ვიტამინი სინთეზდება და ეს, თავის მხრივ, მამაკაცთა მეტი ტესტოსტერონის და ნაკლები მელატონინის გამომუშავების საშუალებას იძლევა. ლიბიდო მყისიერად რეაგირებს ამ ცვლილებებზე: ამიტომაც გაზაფხულზე ასე მძაფრად ვგრძნობთ სურვილს, რომელიც, შესაძლოა, სულაც არ გვახსოვს ცივ ზამთარში. ამიტომ გაზაფხულზე ბევრი მამაკაცი იქცევა „მარტის კატებად“ და ქალები უფრო მეტად ითხოვენ ყურადღებას.
ბედნიერების ჰორმონები – სეროტონინი, ენდორფინები და დოფამინი – ასევე უფრო აქტიურად იწარმოება. მათი ზემოქმედებით შეგვიძლია ვიგრძნოთ უპრეცედენტო სულიერი ამაღლება. როცა ჰორმონების ზემოქმედებით კონტროლის „სისტემა“ ოდნავ სუსტდება, შეყვარება ბევრად გვიადვილდება. რა თქმა უნდა, სურვილის შემთხვევაში წლის ნებისმიერ დროს შეიძლება მამაკაცმა მოაწყოს სასიყვარულო თავგადასავალი, მაგრამ სწორედ გაზაფხულზე იწყება ყველაზე გაბედული და ნათელი პერსპექტივებით სავსე პერიოდი. გაზაფხულიდან უკომპრომისო სექსუალობა განსაზღვრავს მამაკაცის ქცევის ზოგად ხაზს თითქმის მთელი წლის განმავლობაში. ქალებიც ეხმარებიან გადაწყვეტილების მიღებაში. ოსტატურად დაფარული სხეული – გემოვნებით ჩაცმული ქალი – გაზაფხულზე გაცილებით მეტ ინტერესს იწვევს, ვიდრე ზაფხულის სიშიშვლე.
გაზაფხულზე მამაკაცები რომანტიკოსებიც კი ხდებიან! ეს გარემოება ქალებმა უნდა გამოიყენონ, რათა ერთხელ და სამუდამოდ მოახდინონ მათზე შთაბეჭდილება. ქალების უმეტესობა ხედავს განსხვავებას ჯანსაღ სექსუალობასა და ექსჰიბიციონიზმს შორის. მამაკაცთა უმეტესობას უყვარს ქალის ფორმებით აღფრთოვანება და „დაფარულზე“ ფიქრი. ლამაზად დაფარული ქალის სხეული მამაკაცებს მეტის შეცნობისკენ უბიძგებს.
გაზაფხული გვაძლევს შთაგონებას და ძალას, რომელიც შეიძლება დაიხარჯოს არა მხოლოდ სიყვარულზე, არამედ შემოქმედებითი პრობლემების გადაჭრაზე, ახალი პროექტების შექმნაზე. ამიტომ ისიამოვნეთ გაზაფხულით, გახსენით გული სხვებისთვის და შესაძლოა გაზაფხულმა ბევრი ახალი შესაძლებლობა მოგცეთ!
