სასქესო ასოს გადიდების მეთოდები
სასქესო ასოს თავის გადიდება ხდება მონოპროცედურის სახით ან სასქესო ასოს ტანის გადიდებასთან ერთად.
რადგან ჰიალურონის მჟავა სრულად ბიოდეგრადირებადი პროდუქტია, მისი მოქმედების ვადა თითოეული პაციენტისთვის ინდივიდუალურია და ჩატარებული პროცედურის ეფექტიანობის ხანგრძლივობა, საშუალოდ, 8-დან 12 თვემდეა.
პროცედურა ამბულატორიულია, ტარდება ადგილობრივი ანესთეზიით, ჰიალურონის მჟავას თანამედროვე პრეპარატების გამოყენებით.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
პროცედურის უკუჩვენებაა: ანთებითი პროცესები, ჰიალურონის მჟავაზე ალერგიული რეაქცია, ნაწიბურების წარმოქმნისაკენ მიდრეკილება, სისხლის შედედების დარღვევა, ფსიქიკური დაავადებები. რეაბილიტაციის პერიოდი ორ კვირას მოიცავს, რომლის დროსაც პაციენტს ფიზიკური დატვირთვისა და სქესობრივი აქტივობის შეზღუდვა ევალება.
2. ცხიმოვანი ქსოვილის საშუალებით სასქესო ასოს ტანის გადიდება (სასქესო ასოს ლიპოფილინგი).
სასქესო ასოს ტანის ლიპოფილინგი პროცედურების კომპლექსია, რომელიც მიმართულია სასქესო ასოს ტანის მოცულობის ცვლილებისკენ საკუთარი ცხიმოვანი ქსოვილის ტრანსპოზიციის საშუალებით.
სასქესო ასოს ტანის აუგმენტაცია კეთდება იმ შემთხვევაში, როდესაც ანატომიური თავისებურებების გამო სასქესო ასოს ტანის დიამეტრი 3 სმ-ს არ აღწევს. ამ პროცედურის ჩატარება ესთეტიკური მიზნითაც დასაშვებია.
სასქესო ასოს ლიპოფილინგი უსაფრთხო და ეფექტური პროცედურაა, რომელიც სასქესო ასოს ფორმის შეცვლის საშუალებას იძლევა. მნიშვნელოვანია იმის გათვალისწინება, რომ აუტოცხიმის შეთვისების პროცესი ინდივიდუალურია და შეყვანისა და იმპლანტაციის შემდეგ საბოლოო მოცულობის წინასწარ განსაზღვრა ძნელია. ოპტიმალური შედეგის მისაღწევად, სჯობს, აღნიშნული პროცედურა ჩატარდეს სასქესო ასოს თავის ჰიალურონის მჟავას პრეპრატებით გადიდებასთან ერთად.
აუტოცხიმის პროცედურის ტრანსპოზიციისთვის აუცილებელია ლიპოასპირაციის შესრულება. პროცედურა გრძელდება 45 წუთი და არ საჭიროებს ზოგად ანესთეზიას. ცხიმის ლიპოასპირაციისა და აუტოცხიმის მომზადების შემდეგ ის შეიყვანება სასქესო ასოს ტანის პროექციაში. შეყვანილი პრეპარატის მოცულობა ყოველ კონკრეტულ შემთხვევაში განისაზღვრება ინდივიდუალურად.
ლიპოფილინგის უკუჩვენებაა ქრონიკული სომატური დაავადებები დეკომპენსაციის სტადიაში, ანთებითი პროცესები, ფსიქიკური დაავადებები და კოაგულოპათია.
რეაბილიტაციის დრო 4-6 კვირაა, რომლის განმავლობაში პაციენტი იძულებულია შეზღუდოს სქესობრივი და ფიზიკური დატვირთვა.
3. სასქესო ასოს გადიდება ძაფების მეთოდის გამოყენებით - ეს არის სასქესო ასოს ესთეტიკური კორექციის თანამედროვე, მცირეინვაზიური მეთოდი, რომელიც ერთეული ჩხვლეტით სასქესო ასოს დიამეტრს 1 სმ-მდე ზრდის. ამასთან, იზრდება პარტნიორისთვის სექსუალური მგრძნობელობაც.
ამ პროცედურებისთვის გამოყენებული ძაფები სრულად ბიოდეგრადირდება 1,5 წელში და შესაძლებელი ხდება პროცედურის გამეორება.
ძაფების ბიოდეგრადაციის შემდეგ ფორმირებული შემაერთებელი ქსოვილი ქმნის კარკასს, რომელიც სასქესო ასოს ტანის ფორმის ფიქსირებისა და მისი მოცულობითი დეფორმაციის აღკვეთის საშუალებას იძლევა.
სასქესო ასოს მოცულობითი კორექციისთვის ძაფების შეყვანის პროცედურა ტარდება ამბულატორიულად, თანამედროვე ანესთეტიკების გამოყენებით. ერთი ჩხვლეტით 4-დან 8-მდე სპირალური ფორმის ძაფი შეჰყავთ. გლუვბოლოებიანი კანულების გამოყენება ამცირებს სასქესო ასოს ქსოვილების დაზიანების რისკს, ამიტომ აღნიშნული პროცედურა მაქსიმალურად უსაფრთხოა სასქესო ასოს მოცულობითი პლასტიკის ყველა სხვა დანარჩენ მეთოდთან შედარებით. პროცედურის ხანგრძლივობა 30 წუთია.
უკუჩვენებაა ქრონიკული სომატური დაავადებები დეკომენსაციის სტადიაში, აქტიური ანთებითი პროცესი, ფსიქიკური დაავადებები და კოაგულოპათია.
რეაბილიტაციის პერიოდი, რომლის დროსაც პაციენტმა უნდა შეზღუდოს ფიზიკური დატვირთვა და სქესობრივი აქტივობა, 2 კვირას შეადგენს.
4. სასქესო ასოს დაგრძელება ლიგამენტოტომიით კარგად გამოცდილი მეთოდია, რომლის ჩვენებაც ერექციის დროს სასქესო ასოს მცირე ზომა (7-12 სმ ერეგირებულ მდგომარეობაში) და ესთეტიკური თვალსაზრისით სასქესო ასოს სიგრძის შეცვლაა. ამ მეთოდით სასქესო ასოს დაგრძელება საშუალოდ 2-3 სმ-ითაა შესაძლებელი.
უკუჩვენებაა ქრონიკული სომატური დაავადებები დეკომპენსაციის სტადიაში, აქტიური ანთებითი პროცესი, ფსიქიკური დაავადებები, მენჯის ტრავმები და კოაგულოპათია. რეაბილიტაციის პერიოდი 4 კვირას შეადგენს.
5. სასქესო ასოს დაგრძელება ექსტენდერის მეთოდით ერთ-ერთი ყველაზე პოპულარული და მცირეინვაზიური მეთოდია, რომელიც სასქესო ასოს ქსოვილებზე თანდათანობით დისტრაქციულ ზემოქმედებას ეფუძნება. აღნიშნული მეთოდის გამოყენება შესაძლებელია გარეგან ჰორმონულ საშუალებებთან ერთად, რომლებიც ზრდის ამ პროცედურის ეფექტიანობას. მნიშვნელოვანია, რომ პროცედურა მხოლოდ ექიმი-უროლოგ-ანდროლოგის კონტროლით ჩატარდეს.
