პოტენცია 50 წლის შემდეგ
მიზეზები
ჰორმონული უკმარისობით გამოწვეული, პირველადი ერექციული დისფუნქცია შედარებით იშვიათია. პრობლემა უმეტესად მეორეული ბუნებისაა და წარმოადგენს ასაკოვანი მამაკაცისთვის დამახასიათებელი მრავალი დაავადების შედეგს. ეს დაავადებებია:
- შაქრიანი დიაბეტი. დიაბეტი ტიპი 2 ხშირად სწორედ ამ ასაკში გვხვდება და შეუმჩნევლად მიმდინარეობს. მის გართულებათა შორისაა იმპოტენცია, ფეხების ტკივილი, მხედველობის დაქვეითება, თირკმლის უკმარისობა;
- ათეროსკლეროზი. უნდა ვიცოდეთ, რომ ათეროსკლეროზული ფოლაქები მხოლოდ გულის სისხლძარღვებს კი არ აზიანებს, არამედ სასქესო ასოს არტერიებსაც. ორგანოში სისხლის მიდენა მცირდება, რასაც პოტენციის დაქვეითებამდე მივყავართ;
- ფსიქოლოგიური პრობლემები;
- ენდოკრინული დაავადებები;
- ნევროლოგიური დარღვევები;
- ცხოვრების არაჯანსაღი წესი და მავნე ჩვევები;
- სასქესო სისტემის ქრონიკული ანთებითი პროცესები (პროსტატიტი, ოქიტი, ურეთრიტი და სხვა);
- ზოგიერთი მედიკამენტი. მაგალითად, არტერიული წნევის დამწევი საშუალებები.
აუცილებლად უნდა მიმართოთ სპეციალისტს ერექციული დისფუნქციის ისეთი სიმპტომების აღმოცენებისას, როგორებიცაა:
- ადეკვატური და სპონტანური ერექციის არარსებობა;
- ერექციის სისუსტე;
- ერექციის შენარჩუნების უუნარობა;
- ნაადრევი ეაკულაცია;
- ლიბიდოს დაქვეითება;
- ორგაზმის არარსებობა.
დიაგნოსტიკა
აუცილებელი კვლევების ჩამონათვალი ასეთია:
- მამაკაცის სასქესო ჰორმონების დონის გამოკვლევა;
- სისხლისა და შარდის ანალიზი;
- სპერმის გამოკვლევა (სპერმოგრამა);
- თანმხლები სომატური დაავადებების (რომლებიც შეიძლება პოტენციის დაქვეითების მიზეზი იყოს) კვლევა;
- სასქესო ასოს ინერვაციის ტესტირება;
- სასქესო ასოში სისხლის მიმოქცევის კვლევა;
- ბიოთეზიომეტრია - სასქესო ორგანოს ვიბრაციული მგრძნობელობის განსაზღვრა მისი ინერვაციის დარღვევის დასადგენად.
მკურნალობა გულისხმობს:
- ძირითადი პათოლოგიის მკურნალობას;
- ჩანაცვლებით ჰორმონულ თერაპიას;
- ფიტოთერაპიას;
- ქირურგიულ ჩარევას;
- ფსიქოლოგიურ დახმარებას.
შეასრულეთ ექიმის რეკომენდაციები ცხოვრების წესის თაობაზე. ივარჯიშეთ, ყურადღება მიაქციეთ კვებას, მოიშორეთ მავნე ჩვევები და ჭარბი წონა და დატკბით სიცოცხლით.