მამაკაცთა კლიმაქსი არ არსებობს
, რომელმაც სხვადასხვა ასაკის მამაკაცთა ორგანიზმში სასქესო ჰორმონების დონე შეისწავლა. მისი აზრით, ხმაური მამაკაცთა კლიმაქსის თაობაზე მათი ატეხილია, ვინც მომხმარებელს ჩანაცვლებითი ჰორმონული თერაპიის საშუალებებს სთავაზობს. ამერიკის შეერთებული შტატების მასაჩუსეტის შტატის უოტერთაუნის კვლევითი ინსტიტუტის თანამშრომელმა ჯონ მაკკინლიმ გააანალიზა იმ კვლევის შედეგები, რომელიც ორგანიზმის დაბერებისას მამაკაცის ჯანმრთელობის ცვლილებებს ეხებოდა. კვლევაში 1700 პაციენტი მონაწილეობდა.
აღმოჩნდა, რომ მამაკაცის სასქესო ჰორმონების დონე ასაკის მატებასთან ერთად მართლაც მცირდებოდა, მაგრამ წელიწადში მხოლოდ ერთი პროცენტით, რამაც მეცნიერს საფუძველი მისცა დაესკვნა, რომ "მამაკაცთა კლიმაქსის" სინდრომი არ არსებობს. მაკკინლის აზრით, მამაკაცთა დაბერების თემა მთელ მსოფლიოში იწვევს საზოგადოების ინტერესს და ამავე დროს შემოსავლის წყაროც არის იმ ფარმაცევტული კომპანიებისთვის, რომლებიც მხარს უჭერენ ტესტოსტერონით – მამაკაცის სასქესო ჰორმონით - ჩანაცვლებით თერაპიას. მკვლევარი მიიჩნევს, რომ ისეთი სიმპტომები, როგორიც არის წამოხურება (ეგრეთ წოდებული ალები), დეპრესია, სქესობრივი ლტოლვის დაქვეითება, თამბაქოს წევას, ალკოჰოლის ჭარბ მოხმარებასა და ზედმეტ წონას უკავშირდება და არა კლიმაქსს.