ანდროლოგია

მძიმე ბავშვობა მამაკაცებში ტესტოსტერონის დონეს აქვეითებს

მძიმე ბავშვობა მამაკაცებში ტესტოსტერონის დონეს აქვეითებს
მკვლევარებმა გამოარკვიეს, რომ ბავშვობაში გადატანილი სირთულეები, მოზრდილ ასაკში ტესტოსტერონის დონეზე გავლენას ახდენს. ტესტოსტერონი მამაკაცის სასქესო ჰორმონია. მისი დაბალი დონე დაკავშირებულია ერქციულ დისფუნქციასთან, ხოლო მოჭარებულმა კონცენტრაციამ შეიძლება წინამდებარე ჯირკვლის სიმსივნე გამოიწვიოს.

მეცნიერებმა გააანალიზეს ბანგლადეშისა და დიდი ბრიტანეთის მცხოვრები 359 მამაკაცის ჯანმრთელობის მდგომარეობის მონაცემი. აღმოჩნდა, რომ ბანგლადეშში დაბადებულ, მაგრამ დიდი ბრიტანეთში საცხოვრებლად გადასულ მამაკაცებს, ტრესტოსტერონის უფრო მაღალი დონე აღენიშნებოდათ, ვიდრე ბანგლადეშში გაზრდილ მამაკაცებს.

სპეციალისტებს მიაჩნიათ, რომ ტესტოსტერონის დონეზე იმოქმედა ბანგლადეშში ცხოვრების მძიმე პირობებმა. ბანგლადეშში გაზრდილი ბავშვის ორგანიზმის რესურსი მიმართულია დაავადებებთან საბრძოლველად და არა
მამაკაცის სასქესო ჰორმონების გამომუშავებისკენ. ამგვარად, ტესტოსტერონის კონცენტრაციის ცლილებებთან დაკავშირებული სხვადასხვა დაავადებების რისკის შესაფასებლად, გათვალისწინებული უნდა იყოს ადამიანის ზრდისა და განვითარების პირობებიც.

ლალი ჩხიკვაძე


რეკომენდებული ექიმები