ეპილაციის უკუჩვენებები და თანმხლები ეფექტები
* ჰიპერტონიული და გულის იშემიური დაავადებების მძიმე ფორმა;
* ჰერპესის მწვავე ფორმა;
* ინფექციური დაავადებები;
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
* კელოიდური დაავადება;
* კანის ავთვისებიანი ახალწარმონაქმნი.
შედარებით უკუჩვენებებად მიიჩნევა:
- ორსულობა;
- ფსიქიკური დაავადებები.
გარდა ამისა, ეპილაციის თითოეულ მეთოდს აქვს სპეციფიკური უკუჩვენებებიც. ბიოეპილაცია უკუნაჩვენებია სადეპილაციო მასაში შემავალი ცალკეული ნივთიერებების ინდივიდუალური მგრძნობელობისას.
- ელექტროეპილაციისთვის უკუჩვენებას წარმოადგენს ჰეპატიტი (მრავალჯერადი გამოყენების ნემსით ეპილაციის ჩატარების შემთხვევაში, თუმცა დღეისათვის ასეთი რამ იშვიათია), ასევე - ლითონთა შენადნობების, მათ შორის - ნემსის შემადგენლობაში არსებული ოქროსა და ნიკელის, ინდივიდუალური აუტანლობა;
- სხეულში არსებული სამედიცინო და არასამედიცინო ლითონის ელემენტები (სტომატოლოგიური და ტრავმატოლოგიური ენდოპროთეზები, საშვილოსნოსშიდა სპირალები, გულის რიტმის ხელოვნური რეგულატორები, ოქროს ძაფები და სხვა) ელექტროეპილაციის კიდევ ერთი უკუჩვენებაა.
ეპილაციის სხივური მეთოდების უკუჩვენებათა სპექტრი მზის სხივებისადმი მომატებული მგრძნობელობით (ფოტოდერმატოზი) შემოიფარგლება.
ეპილაციის თანმხლები ეფექტები
ბიოეპილაციის შემდეგ მოსალოდნელია ალერგიული რეაქცია, კონტაქტური დერმატიტი, ჰემატომები, ტრანზიტორული ანგიოექტაზიები, თმის ჩაზრდა, ფოლიკულები, მკვეთრი ტკივილის, ზოგ შემთხვევაში - თმის გაძლიერებული ზრდა. ელექტროეპილაცია როგორც ინვაზიური მეთოდი ხშირად იწვევს თმის ჩაბრუნებას, ფოლიკულიტებს, ნაწიბურებს. ეს უმთავრესად განპირობებულია თმის ფოლიკულში ნემსის შეყვანისას კანის მთლიანობის დარღვევით, რაც მკვეთრად ზრდის ინფიცირების (სტაფილოკოკური ინფექციიდან ვირუსულ ჰეპატიტამდე და აივ-ინფექციამდე) ალბათობას. გარდა ამისა, ელექტროეპილაცია მტკივნეულია და უმეტესად გაუტკივარებას მოითხოვს, განსაკუთრებით - შოკურ ზონებში (ზედა ტუჩი, იღლია, საზარდულისა და შორისის არე). დასასრულ, ელექტროპროცედურების ხანგრძლივობა შეზღუდულია - თითოეული სეანსი არ უნდა აღემატებოდეს 20 წუთს. ამის გამო, მაგალითად, ფეხების ეპილაცია შესაძლოა რამდენიმე დღეც კი გაგრძელდეს. შედეგად მივიღებთ თმის უსწორმასწორო ზრდას („ჭადრაკის ბადე“). ლაზერული ეპილაციის გვერდითი ეფექტებია პიგმენტაციის მყარი დარღვევა (ჰიპერ- და ჰიპოპიგმენტაცია), აქერცვლა, კანის ქავილი, ერითემა, შეშუპება, ტრანზიტორული ანგიოექტაზიები, ტკივილი, იშვიათად - ნაწიბური. გამოსხივების სიმძლავრის გათვალისწინებით, სხივმა შესაძლოა გამოიწვიოს ფოტობიოლოგიური ეფექტებიც - როგორც თბური (დამშლელი), ისე ბიოლოგიური (მასტიმულირებელი). არასაკმარისი სიმძლავრის გამოსხივებისას იმატებს დასხივების გაუთვალისწინებელი ეფექტების რისკი, სიმძლავრის გადაჭარბების შემთხვევაში კი კანის დამწვრობაა მოსალოდნელი. მაღალენერგეტიკული იმპულსური ნათურით ეპილაციის დროს მოსალოდნელია ზემოქმედების ზონაში კანის ერითემა და შეშუპება, პიგმენტაციის დარღვევა (ჰიპერ- და ჰიპოპიგმენტაცია), ტრანზიტორული ანგიოექტაზია. იშვიათად შეინიშნება ზომიერი ტკივილი იმპულსის გავლისას, განსაკუთრებით - საზარდულისა და ზედა ტუჩის არეში. ამრიგად, ეპილაციის თითოეულ მეთოდს მკაცრი ჩვენებები და უკუჩვენებები აქვს. უსიამოვნო შედეგების თავიდან ასაცილებლად პროცედურა უნდა ჩაატაროს სამედიცინო პერსონალმა, რომელიც ფლობს მკურნალობის სპეციალურ მეთოდებსა და უნარებს. კლინიკური შედეგების შედარებითმა ანალიზმა ცხადყო, რომ კარგ ეფექტს იძლევა სხივური ეპილაცია, კერძოდ, მაღალენერგეტიკული იმპულსური ნათურით ეპილაცია. მეხუთე პროცედურის შემდეგ არასასურველი თმა უქრება პაციენტთა 94%-ზე მეტს. ეპილაციის თანამედროვე მეთოდები არც ისე დიდი ხანია არსებობს, ამიტომ მათი შორეული შედეგების შეფასება ჯერჯერობით შეუძლებელია.
