როგორ მოვუაროთ ფორებიან კანს
დღეში 2 ლიტრამდე წყალი სვით, ყურადღება მიაქციეთ, რომ კოსმეტიკა, რომელსაც ხმარობთ იყოს არაკომედოგენური და უცხიმო. თუ ხმარობთ "რუმიანას", იხმარეთ პუდრის სახით და არა კრემი. თქვენი კანი საჭიროებს ყოველდღიურ მოვლას. დილა-საღამოს გამოიყენეთ სახის გელი ცხიმიანი კანისთვის. ხშირად შეისხით სახეზე ცივი წყალი. იხმარეთ ტონიკი (ნაკლებად, რომ შეიცავდეს სპირტს). იგი ავიწროვებს ფორებს. დილით წაისვით ცხიმის ამალაგებელი დამატენიანებელი კრემი. საღამოსთვის შეარჩიეთ რომელიმე სპეციალური კრემი. კარგი იქნება თუ თიხის ნიღბებს გაიკეთებთ კვირაში ერთხელ.
ახლა რამოდენიმე საშუალების მომზადებას გასწავლით:
- ტონიკი - აადურეთ 500 მლ წყალი, ჩაყარეთ შიგნით მუჭით როზმარინი და გააჩერეთ დაბალ ცეცხლზე სანამ არ ჩაიხარშება. შემდეგ გადმოდგით ცეცხლიდან, გაფილტრეთ და დაუმატეთ რამდენიმე წვეთი ლიმონი. შეინახეთ ცივ ადგილზე. გაიწმინდეთ სახე მასში დასველებული ბამბით დილასა და საღამოს, თუ ძლიერად გაქვთ გაფართოებული ფორები, თუ არა და - მარტო საღამოს. როცა ეს ტონიკი დაგიმთავრდებათ, ალბათ ფორებიც შევიწროვებული გექნებათ. შემდეგ, ეფექტის შესანარჩუნებლად ეს ტონიკი გმოიყენეთ კვირაში 2-ჯერ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
- წყლის აბაზანა - ადუღებულ წყალში ჩაყარეთ თანაბარი რაოდენობით ბარამბო, პიტნა, ოხრახუში, ბეგქონდარა. გადაიფარეთ თავზე პირსახოცი და ორთქლის ქვეშ გაჩერდით 5-8 წუთი. ასუფთავებს და ავიწროვებს ფორებს.
- ნიღბები:
1. გაიკეთეთ პომიდვრის ნიღაბი (თუ მგრძნობიარე სახის კანი გაქვთ, მაშინ არ ღირს). აიღეთ ორი მწიფე პომიდორი და გამოწურეთ. რბილობს დაუმატეთ 100 მლ რძე და რამდენიმე ხნით შედგით მაცივარში. ეს ცივი მასა დაიდეთ სახეზე 10 წუთი..
2. გაატარეთ კიტრი ხორცის საკეპ მანქანაში, გამოწურეთ და შეურიეთ 2 სუფრის კოვზი კოსმეტიკური თიხა. (სექელი მასა გამოვა). შემდეგ დაამატეთ ნუშის ზეთი. წაისვით სუფთა სახის კანზე თანაბრად. 15 წუთის შემდეგ ჩამოიბანეთ მინერალური წყლით და წაისვით ტონიკი. ერთი თვის განმავლობაში ყოველ კვირას ჩაიტარეთ ეს პროცედურა.
3. ათქვიფეთ კვერცხის ცილა (სქელი ბეზე), დაამატეთ მესამედი კვერცხის გული და 20 წვეთი ლიმონის წვენი. ფრთხილად გადაურით. წაისვით სახეზე (თვალის ირგვლივ არა), გაიჩერეთ 15 წუთი დ შემდეგ ჩამოიბანეთ თბილი წყლით.
აუცილებლად უნდა გითხრათ, რომ კოსმეტიკურ სალონებში ფორების შევიწროვებას საკმაოდ ეფექტურად ახორციელებენ (ულტრაბგერითი ზემოქმდებით, სპეციალური კრემებით, რძით, გელით, და ა.შ). შეგიძლიათ მიმართოთ რომელიმე კოსმეტოლოგიურ სალონს ან ესთეთიკურ ცენტრებს.
