მოვუაროთ ტუჩებს
ამასთან, ტუჩებზე კანის სტრუქტურა მნიშვნელოვნად განსხვავდება სახის სხვა ნაწილებისგან, რაც თვალნათლივ ჩანს კიდეც. ტუჩების კანს პრაქტიკულად არ გააჩნია ცხიმოვანი ჯირკვლები. ის ძალზე ნაზი და მგრძნობიარეა. სისხლძარღვები მის ზედაპირზე ზერელედ არის განლაგებული. ყოველივე ამის გამო ტუჩები ხშირად შრება და იქერცლება. ზოგჯერ სკდება კიდეც და ნახეთქებიდან სისხლი დის. ამიტომ ტუჩებს გულისყურით უნდა მოვუაროთ. მით უმეტეს, ტუჩები, ისევე როგორც თვალები, სახის ყველაზე გამორჩეული ნაკვთია, რომელიც პირველ რიგში იპყრობს ყურადღებას.
როგორ მოვუაროთ ტუჩებს შინ?
როდესაც სახეზე წაისვამთ მკვებავ ან დამატენიანებელ ნიღაბს, წაისვით იგი ტუჩებზეც, ანდა გამოიყენეთ ის ნიღბები და მკვებავი კრემები, რომლებსაც თვალების ირგვლივ ხმარობთ, რადგან ტუჩების კანი სტრუქტურით თვალების ირგვლივ არსებულ კანს ჰგავს.
გამომშრალი და გაუხეშებული კანის დასარბილებლად შინიდან გასვლამდე დაახლოებით ნახევარი საათით ადრე წაისვით ტუჩებზე მცენარეული ზეთი (მზესუმზირასი, სიმინდისა, ზეითუნისა, ქაცვისა). შეიძლება გამოიყენოთ ასევე ნაღების კარაქი, არაჟანი, ვაზელინი, ზეთოვანი A და E ვიტამინები.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
შინიდან გასვლის წინ შეიმშრალეთ ტუჩები ხელსახოცით და წაისვით პომადა ან ტუჩების ჰიგიენური ბალზამი. იგივე პროცედურა შეიძლება გაიმეოროთ ძილის წინაც.
შინაური ნიღბები ტუჩებისთვის
ნახევარ ჩაის კოვზ ცხიმიან ხაჭოს კარგად შეათქვიფეთ 1 ჩაის კოვზი ნაღები და ეს მასა წაისვით ტუჩებზე. 10-15 წუთის შემდეგ ჩამოიბანეთ და წაისვით ვაზელინი ან ჰიგიენური ბალზამი. ნაღების მაგივრად ხაჭოს შეგიძლიათ შეურიოთ მცენარეული ზეთი, რძე, სტაფილოს, კიტრის ან ჭარხლის წვენი. ხაჭო შესანიშნავად არბილებს და კვებავს ტუჩების კანს.
- ტკბილი ვაშლი გათალეთ და წვრილად გახეხეთ. 1 ჩაის კოვზს შეურიეთ ნახევარი ჩაის კოვზი რბილი ნაღების კარაქი და წაისვით ტუჩებზე 15 წუთით. ამავე მიზნით შეიძლება გამოვიყენოთ ბანანი, ხურტკმელი, გარგარი, ნესვი, საზამთრო, კიტრი, ჭარხალი. ასეთი ნიღაბი ტუჩებს კვებავს, ანოტივებს და არბილებს.
- მშრალი ტუჩებისთვის, რომლებიც მუდმივად იქერცლება, კარგია თაფლი. მისი გამოყენება შეიძლება როგორც მკვებავ ნიღბად, ასევე სკრაბადაც. წაისვით ტუჩებზე და 5-10 წუთის შემდეგ თითის ბოლოებით მსუბუქად შეიზილეთ, მერე კი ჩამოიბანეთ.
კარგი მკვებავია თაფლისა და ღორის გამდნარი ქონისგან მომზადებული ნიღაბი: 1 სუფრის კოვზ თაფლს შეურიეთ ნახევარი სუფრის კოვზი ღორის ქონი, წინასწარ გამდნარი ორთქლის აბაზანაზე. მიღებული ნარევი მოათავსეთ ქილაში და შედგით მაცივარში.
- კარგად ატენიანებს ტუჩებს ასეთი ნიღაბი: 1 ჩაის კოვზ არაჟანს დავუმატოთ 2-3 წვეთი ლიმონის წვენი და ამდენივე მცენარეული ზეთი, სქლად წავისვათ ტუჩებზე და გავიჩეროთ 15-20 წუთი.
- გამომშრალ ტუჩებს უხდება მალამო, რომელიც შეიძლება მოვამზადოთ შინ. დაგვჭირდება: 1 ჩაის კოვზი თაფლის სანთელი, ამდენივე კაკაოს ცხიმი (მის ნაცვლად შეიძლება გამოვიყენოთ 1 სუფრის კოვზი ქაცვის ან ზეითუნის ზეთი), 1 ჩაის კოვზი ვაზელინი და 1 სუფრის კოვზი გვირილის ნახარში. წყლის აბაზანაში გაადნეთ თაფლის სანთელი, დაუმატეთ კაკაოს ცხიმი (ან მცენარეული ზეთი), ვაზელინი და გვირილის ნახარში. კარგად ავურიოთ, გადმოვდგათ ორთქლის აბაზანიდან და ვთქვიფოთ მიქსერით, სანამ კარგად არ გაცივდება. სასურველია, ეს მალამო წავისვათ დღეში რამდენიმეჯერ, განსაკუთრებით - შინიდან გასვლის წინ.
თუ ტუჩები გექერცლებათ, კარგი იქნება, თუ თაფლით ან ნაღების კარაქით დაიზელთ. რბილი ნაღების კარაქი ან თაფლი სუფთა კბილის ჯაგრისზე წააცხეთ და ფრთხილად დაიზილეთ ტუჩები 1 წუთის განმავლობაში. ტუჩები რომ არ გამოგიშრეთ, სვით მეტი წყალი, არანაკლებ 2 ლიტრისა დღეში. ეს სასარგებლოა არა მარტო ტუჩებისთვის, არამედ მთელი ორგანიზმისთვის.
გაითვალისწინეთ: უნდა სვათ წყალი და არა ჩაი, ყავა, წვენები და სხვა. ასევე, შინიდან გასვლის წინ ყოველთვის წაისვით ტუჩების ჰიგიენური ბალზამი.
