კოსმეტიკის კომპონენტებმა შესაძლოა ქალის ჰორმონულ ფონზე იმოქმედოს
მეისონის უნივერსიტეტის მეცნიერებმა გაარკვიეს, როგორ შეიძლება აისახოს ამ მავნე კომპონენტთა ზემოქმედება ქალის ჰორმონულ ფონზე. მათ შეისწავლეს 18-დან 44 წლის ასაკის 143 ჯანმრთელი ქალის შარდი პარაბენების შემცველობაზე. ეს უკანასკნელი ხშირად გამოიყენება კოსმეტიკურ პროდუქციაში ანტიმიკრობული კონსერვანტების სახით.
საკვლევ პირებს იმავდროულად უტარებდნენ ანალიზს ესტრადიოლისა და პროგესტერონის შემცველობაზეც.
შედეგებით გაირკვა, რომ პარაბენების მომატებული კონცენტრაცია შარდში პირდაპირ კორელირებდა ესტრადიოლის მომატებასთან. "თუ ეს ტენდენცია საბოლოოდ დადგინდება, ანუ კიდევ უფრო გამყარდება დამატებითი კვლევებით, სერიოზული დაფიქრება მოგვიწევს იმაზე, თუ რა გავლენას ახდენს გარკვეული ქიმიური ნივთიერებები ქალებთან ზოგიერთი დაავადების განვითარებაზე, მათ შორის ესტროგენდამოკიდებული ძუძუს კიბოს აღმოცენებაზე", - აცხადებენ კვლევის ავტორები.
თინათინ გოცაძე