როგორ შევინარჩუნოთ ხელზე ხავერდოვანი კანი - მკურნალი.გე

რუბრიკები

ოჯახის მკურნალის ანონსი

აგვისტო 2019

კითხვა-პასუხი

როგორ შევინარჩუნოთ ხელზე ხავერდოვანი კანი

როგორ შევინარჩუნოთ ხელზე ხავერდოვანი კანი
როგორ მოვუაროთ ხელის კანს, რომ დიდხანს შევინარჩუნოთ მისი სილამაზე და სინორჩე? კოსმეტოლოგიურ არსენალში ქალებს ხშირად მოგვეპოვება სახის, ქუთუთოების კრემი, ანტიცელულიტური გელი და ყველაზე იაფფასიანი ხელის კრემი.

ხელის მოვლა ხშირად შემოიფარგლება ღამით, ძილის წინ, კრემის წასმით. თუმცა ის გაცილებით მეტ ღონისძიებას მოით­ხოვს.

ხელების მოსავლელად გადადგმული პირველი ნაბიჯი აგრესიული ზემოქმედების გამორიცხვაა. უნდა აღვკვეთოთ სარეცხი საშუალებების უშუალო კონტაქტი კანთან, რადგან ისინი, გამონაკლისის გარეშე, შეიცავს აგრესიულ კომპონენტებს, რომლებიც ხსნის ცხიმს არა მარტო თეფშებზე, ჩვენს კანზეც, აშრობს მას
და ნაადრევად აბერებს. ამასთან, ეს პროცესი შეუმჩნევლად, თანდათანობით და შეუქცევადად მიდის. შეეცადეთ რეცხვისას გამოიყენოთ ხელთათმანები. დასაწყისისთვის ეს უჩვეულოა, მაგრამ თანდათანობით შეეჩვევით.


mkurnali.geკვება, დატენიანება, დაცვა

ხელის კრემი კანის ტიპისა და გამოყენების მიზნის გათვალისწინებით სხვადასხვაგვარი შეიძლება იყოს. ხშირად სიმშრალის საწინააღმდეგოდ ნებისმიერი სახის საცხს ვხმარობთ. მკვებავი კრემი უფრო ცხიმიანია, მასში საკმარისი რაოდენობითაა ვიტამინები, ეთერზეთები, ლანოლინი, გლიცერინი.
ასეთი კრემი ძილის წინ, ღამით უნდა წაისვათ. მათი გამოყენების მიზანია კანის ღამით „გამოკვება“.

ხელის დამატენიანებელი კრემების გამოყენება დღისით შეიძლება. მასში ბევრია წყალი, უფრო მსუბუქი კონსისტენცისაა და არ ტოვებს ცხიმის კვალს. თუმცა მისი წასმა გარეთ, ყინვაში გასვლის წინ არაა რეკომენდებული, რადგანაც წყლის დიდი შემცველობის გამო, სარგებლის ნაცვლად, ზიანის მომტანი იქნება.

ზამთარში უნდა გამოიყენოთ დამცავი კრემები. ისინი სპეციალურადაა შემუშავებული გარემოს არახელსაყრელი პირობებისაგან ხელის კანის დასაცავად. სხვათა შორის, ეს კრემები უხილავ დამცავ გარსს ქმნის და სიცივისა თუ სხვა არასასიამოვნო ფაქტორებისგან იცავს მას.

რამდენად გამართლებულია ძვირად ღირებული საშუალების შეძენა, თქვენი გადასაწყვეტია. მით უფრო, როცა საცხის სიძვირე ყოველთვის მის კარგ შემადგენლობაზე არ მეტყველებს. როგორც წესი, ცნობილი მწარმოებლების მიერ წარმოებული ჰიპოალერგიული კრემების შეძენა ნამდვილად ღირს, მით უმეტეს, თუ მგრძნობიარე კანი გაქვთ.


დამატებითი მოვლა

უზადო ხელების შესანარჩუნებლად მხოლოდ კრემი არ კმარა. ხელები, როგორც სახე და სხეული, საჭიროებს ნიღბებითა და სქრაბებით პერიოდულ მოვლას. გამოიყენეთ ისინი რეგულარულად, კვირაში ერთხელ მაინც. სქრაბი კარგად აშორებს გაუხეშებულ კანს, ხელებს არბილებს და ანაზებს. სქრაბის გამოყენება საღამოს ჯობს, შემდეგ კი მკვებავი კრემი წაისვით. დიდი დრო ამას არ სჭირდება, სამაგიეროდ, ლამაზი ხელებით თავის მოწონებას შეძლებთ.

ძალიან სასარგებლოა ხელების გაწმენდა ლიმონით. გამოწურეთ წვენი და შეიზილეთ ხელის კანში. ასეთი შინაური ნიღაბი შეგიძლიათ ხელებზე დიდხანს გაიჩეროთ. ლიმონი შესანიშნავად ათეთრებს კანს, აქრობს პიგმენტურ ლაქებს და ამდიდრებს ვიტამინებით.


ნიღბები ხელის კანისთვის

  • 1 ც კვერცხის ცილა შეურიეთ 1 ც ლიმონის წვენს. წაისვით ხელზე და გაიჩერეთ 15-20 წუთით. ეს ნიღაბი არა მარტო არბილებს, არამედ ათეთრებს ხელის კანს.
  • 1 ს/კ ზეთი შეურიეთ 1 კვერცხის გულსა და 1 ჩ/კ თაფლს. წაისვით ხელზე, ჩაიცვით ბამბის ხელთათმანები და გაიჩერეთ 1-2 საათით (შეგიძლიათ მთელი ღამით დაიტოვოთ). ასეთი ნიღბის შემდეგ ნამდვილად აბრეშუმივით ნაზი ხელები გექნებათ.
  • მოხარშეთ 2 ცალი პატარა კარტოფილი, გასრისეთ, დაუმატეთ ნახევარი ჩაის ჭიქა რძე. წაისვით მთელი მასა ხელებზე და გაიჩერეთ სრულ გაგრილებამდე. ჩამოიბანეთ წყლით და წაისვით მკვებავი კრემი.


აბაზანები ხელებისთვის

  • მკვებავი და დამატენიანებელი - 1 ლიტრ თბილ წყალში დაუმატეთ 1 ს/კ ზეთი. გაიკეთეთ ეს აბაზანა კვირაში ერთხელ. ძალიან სასარგებლოა ფრჩხილების გასამაგრებლადაც.
  • ხელის კანისთვის ასევე სასარგებლოა მცენარეული აბაზანები. 1 ს/კ გვირილას ან ჭინჭარს, სალბს ან ცაცხვს, ან გულყვითელას დაასხით 1 ლიტრი მდუღარე წყალი. სალბის აბაზანა სასარგებლოა მათთვისაც, ვისაც ხელების ოფლიანობა აწუხებს.

გასათვალისწინებელია, რომ ყოველი აბაზანის შემდეგ აუცილებლად უნდა წაისვათ მკვებავი კრემი და არც მსუბუქი მასაჟი გაწყენდათ. მოძრაობა უნდა წარმართოთ ფრჩხილებიდან ზემოთ, თითებისა და ხელის მტევნისკენ.

ჩამოთვლილი მოვლის საშუალებები მარტივია და ხელმისაწვდომი, ამიტომ ნუ უგულებელყოფთ მათ. თქვენი ხელების სილამაზე ნამდვილად თქვენს ხელთაა.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
ჯანსაღი თმის შესანარჩუნებლად
ფასი: 75
კანის ფორმულა - 28აბი
ფასი: 57.5
ჯანმრთელი იმუნური სისტემის ფუნქციონირებისათვის.-60აბი
ფასი: 34.9
მსგავსი სიახლეები
ჩინელ მედიკოსთა აზრით, შინაგან ორგანოთა ნებისმიერი სახის პათოლოგია (ნორმიდან გადახრა) გარეგნულად გამოიხატება
12-08-2019
ხშირად სახის კანზე ჩნდება გამონაყარი, სიწითლე ან აქერცვლა. მსგავსი პრობლემების აღმოცენება შეიძლება რამდენიმე
10-06-2019
ბაზალიომა კანის ბაზალურ-უჯრედოვანი ავთვისებიანი სიმსივნეა.
05-02-2019
დიეტოლოგია
დასავლეთ ავსტრალიის უნივერსიტეტის თანამშრომლები დარწმუნებულები არიან, რომ ფინჯანი ჩაის ან ერთი
ექსპერტებმა დაასახელეს ბადრიჯანის სასარგებლო თვისებები, რის გამოც ის აუცილებლად უნდა ჩართოთ საკვებ რაციონში.
ნიუ-იორკის ბინგემტონის უნივერსიტეტის მეცნიერებმა დაასკვნეს, რომ ადამიანს ახალგაზრდობაში უფრო მეტად ესაჭიროება
კატეგორიის სხვა სტატიები
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
ხშირად სახის კანზე ჩნდება გამონაყარი, სიწითლე ან აქერცვლა. მსგავსი პრობლემების აღმოცენება შეიძლება რამდენიმე
ამიერიკის პლასტიკური და რეკონსტრუქციული ქირურგიის აკადემიის მონაცემების თანახმად, უკანასკნელი ხუთი
1. რაც შეიძლება ხშირად გამოიყენეთ ხელის კრემი, განსაკუთრებით წყალთან შეხების შემდეგ.
აღმოჩნდა, რომ ჯანსაღი კანის მისაღებად მხოლოდ 2 მარტივი ინგრედიენტია საჭირო:
ზამთარში ჯერ კიდევ ხავერდოვანი, ნაზი კანი უცებ იწყებს აქერცვლას და წითლდება.
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად